|
熱門:

2015年3月18日 即巿股評 港股直擊

【盤房來料】大市有個性 炒鬼忙不停

港股真係愈嚟愈有個性,完全唔跟外圍走,隔晚歐美股市插水,恒指略為低開後,即隨內地股市再升掉頭向上,只要指數能重上24300點並企穩,可以確認調整完成。留意今日稍後QQ騰訊(00700)派成績表,大市能否再下一城QQ係關鍵。

今朝能源板塊有資金追捧,龍頭興業太陽能(00750)升逾8%,但巨無霸漢能(00566)則先升後回,炒鬼最愛嘅君陽太陽能(00397)一度炒高10%,但炒鬼短癮爭相落車,升幅收窄咗一半。大製作阿里影業(01060)順利達標,盤中高見2.93元差不多到阿Man目標價3元,打番個折2.9元都要落車食胡,上半場升幅收窄至不足3%,睇嚟呢一轉升浪暫告一段落。整固咗三幾日嘅新確科技(01063)一度穿頂,但收市前又見炒鬼狂車落到0.6元,勝在夠熱鬧多炒鬼參與,暫定目標八粒神,啱啱係0.4元起步位計升一倍都要收貨,現價再追仲有兩成幾上升空間。

反而超大現代(00682)仲有得諗,噚日五粒神前行人止步,今日一度低見0.42元但已唔多見重型沽盤再出貨,畢竟超大起步位為0.3元,依家計數只係三成幾升幅,博起步位升一個開,即係目標六粒神,現價計有接近五成升幅,阿Man認為更加值博。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。