熱門:

2015年3月16日 即巿股評 港股直擊

【盤房來料】超大索盡蟹貨等開快車!

兩會閉幕雖然再冇特別利好股市消息出台,但市場普遍相信今年內地維持較寬鬆貨幣政策,甚至會推出中國版QE,上證勁升1.8%,帶動原本低開嘅港股扭轉跌勢回升,恒指再度逼近二萬四關。

阿Man上周五吞咗一日pop,miss咗中國富佑(00572),不過家陣大把二三線股仔落鑊,情況係銀彈太少,只怕敵人太多應付唔嚟。先講上周三起步反彈嘅中國富佑(00572),上周五收市前插低成毫子,震走唔少即日鮮。今朝高開再上,盤中見0.75元,目前落番0.7元附近抖氣,仲有冇本事重拾蚊股身份? 阿Man唔敢估,只知富佑唔易炒,炒股高手都未必贏到佢大錢。

阿Man話嘅大製作阿里影業(01060)停咗幾個交易日,卒之今早又爆頂,確係回到2.1元左右要再上車,總之呢隻炒股唔甩得,唔反對炒上落,但一定要有貨底喺手,唔見3元目標價唔會全線落車。時富金融(00510)又係穿咗頂任佢行,可惜五粒神前行人止步,時富又係出名難炒,自問眼明手快先好入場。新確科技(01063)泊完大碼頭日日升,上無阻力姿勢隨佢擺,只係連升多日提防較大回吐出現。

上星期阿Man提過剛開車嘅超大現代(00682)0.4至0.6元蟹貨唔少,上到0.4元附近果然要回頭,奇怪係回到0.35至0.37元大型買盤積極接貨,睇樣有大龍鳳跟尾。睇番走勢,復牌至今個幾月,蟹貨其實都收得七七八八,下一個重貨區應該推算到停牌前1.1元樓上,其實以少博大都划算,上望目標復牌日高位0.8元,set定0.34元打靶,10%博一個開有突,點計條數都博得過。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads