熱門:

2015年3月12日 即巿股評 港股直擊

【盤房來料】新確科技發盈警為震倉

大市畢竟連跌七日,加上逼近250日線有較大支持,港股又些少反彈都好合理,不過相對上證反彈力度,港股就弱得多,始終仍處於調整中,除非23300至23500批牛仔肯投降,否則大市仍未擺脫危機。

噚日熱炒嘅新確科技(01063)先苦後甜,開市因為盈警嚇親班炒鬼,一度見炒鬼急急腳打靶,一度低見0.445元。不過幕後指揮官講明要大搞,擺明出一出「壞消息」震倉,一下回馬槍食晒啲打靶貨,收市前重上五粒神,又見心口掛住勇字炒鬼齊齊搖旗吶喊,三扒兩撥升穿埋噚日個頂,睇嚟缸湖傳聞1元目標價好快到。阿Man講過炒股唔需要有理由,新確有乜本事炒上百億市值唔緊要,只要有資金入場追捧,搭上銀聯已經係炒作理由,邊個得閒睇基本因素。

至於升幅榜冠軍係舊年搞到唔少炒鬼損手噚合一投資(00913),又合又供總之搞到股東頭都暈,呢類股份阿Man一向敬而遠之,膽生毛者要炒唔反對,當然後果自負。另一當炒股超大現代(00682),復牌後喺0.3元水平橫行咗成個月,又係時候落鑊,上半場炒高14%,不過超大蟹貨數目多到嚇死人,有冇本事一個月就消化晒,讀者心中有數。

阿Man明日離港一天,《盤房來料》明日暫停。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads