|
熱門:

2015年3月11日 即巿股評 港股直擊

【盤房來料】股仔開始回氣要小心!

噚晚美股跌到一仆一碌,以為今日淡友大條道理將恒指一腳踩落250日線即23500點水平,誰知恒指連23800都冇穿過,期指亦能守喺23700點之上。咪以為個市調整夠跌唔落,睇番牛證街貨重貨區不斷向下移,目前重貨區喺23300至23700點,阿Man唔信大戶咁仁慈,會放過呢批牛仔唔屠殺!

二三線股仔炒足個幾星期,今日開始有回氣跡象,中國置業(00736)大量發行新股變相賣盤,一復牌勁升近一倍,好老實呢啲機會從來唔屬於阿Man。炒鬼今早繼續炒君陽太陽能(00397),不過0.4元樓上確係蟹貨一籮籮,兩次都係0.4元回頭,識炒都知乜位要落車。另一當炒股新確科技(01063)早兩日復牌公布搭上銀聯,復牌曾高見0.465元,今日順利穿頂曾見0.5元,八卦公話新確要炒上1元,憑乜炒上百億市值,阿Man計唔掂條數,不過炒鬼落鑊唔要理由,參與炒作自己執生。

第一信用(08215)發盈喜,不過主要係物業公平值收益同應收貸款減值回撥,股價炒高6.8%冇乜料到。同類財仔阿Man會揀靄華押業(01319),有睇盤數都知佢質地最好,公司發盈喜後股價累計升近兩成,呢兩日見2元有獲利沽壓,要上車等一等,建議1.9元附近,等埋條10日線升上嚟,調整差不多係呢啲位。

噚日阿Man話過要留意熔盛(01101),誰知今朝開波就停牌,未知是福是禍,估計好壞兩面,一係供股,一係有新救星,總知是福不是禍,是禍就擋不過。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。