熱門:

2015年3月10日 即巿股評 港股直擊

【盤房來料】熔盛一定要再搵救星!

大市噚日下半場嚟個後抽之後又冇影,恒指目前喺100日線附近掙扎,睇樣調整未告一段落,仍有機會繼續向下尋底,重磅股乏善可陳,幸而股仔愈炒愈旺。

今日焦點仍然係一批『直路望空』股,半新股震昇工程(02277)高處未算高,再創1.61元上市後新高,雖然沽家紮行馬,但買家掃貨冇手軟,成交額逾億元,睇嚟到呢啲位,指揮官無理由唔趁機減減磅。日成控股(03708)同樣道理,指揮官由上市至今最大手貨未甩到手,股價唯有愈推愈高,但講到穿頂速度,日成似乎減緊速,冇震昇工程咁快手,股價一破頂如脫疆野馬,錄得逾一成升幅。

至於早兩日熱炒嘅君陽太陽能(00397)翻兜,暫時喺現水平至0.4元要整固,畢竟上周急升點都要消化一下獲利沽壓。講到破頂股不得不提噚日復牌嘅時富金融(00510),復牌公布深圳泛海入股落實,雖然GO價同停牌前唔差得多,但又係升抵無阻力區,只要有買盤掃又愈升愈有,有線人話時富金融坐四望高,依家計到五粒神目標價仲有幾多水位,大家心中有數。阿Man反而吼緊中國熔盛(01101),即使有傳聞指白武士自身難保,但熔盛呢類too big to fail嘅大型地方企業,若然摺埋好多手尾跟,通常最後有阿爺出手打救。現價處於極低水平,買入博上1元跌穿七粒神止蝕,一旦搵到救星可以炒到出煙。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads