熱門:

2015年3月9日 即巿股評 港股直擊

【盤房來料】「無阻力區股」秤先啲!

大市繼續腳軟,恒指二萬四關不保,上證指數亦跌近1%,由於兩會暫時未見有新意,上個星期熱炒嘅新能源股全線回吐,睇嚟要稍作整固。至於大市雖然已累跌逾千點,但暫時未見淡友想收手,下一支持位23500點應守得住。

二三線股仔繼續熱炒,阿Man上周五推介阿里影業(01060)果然係愈升愈有,由於已進入無阻力區,家陣係姿勢隨佢擺,今朝見到強國買盤源源不絕,相信喺2.3元水平消化一吓啲食糊盤,阿里影業可更上一層樓。新確科技(01063)復牌公布跟銀聯合作,股價一度升逾四成,上半場升幅收窄至37%現價仲要低過AO價,皆因又進入重型蟹貨區。另一熱炒股東南國際(00726)復牌兼配股易手,股價一度高見0.5元,又係典型高開派貨格局,阿Man都係偏愛啲無阻力區股多啲。霸王集團(01338)同1仔單官司要求對方賠償5億人仔,尚未打贏股價炒定先,連續第三日上升,留意股價喺六粒神展開漫長跌浪,上到0.6元又到重型蟹貨區。除咗阿里影業升勢有餘未盡,阿Man望實康健國際(03886),基金買盤相當積極,調整完成再展升浪,短線睇番之前3.16元高位。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads