熱門:

2022年8月10日 國際財經 即巿股評

【環宇搜股】股市近轉勢 小心再破底

由2月開始已睇淡全球股市,無論在《環宇搜股》或《美股歷奇》,基本上每篇文章也相當公式化,就喺睇淡後市。筆者每次落筆其實也頭痕有咩好寫,因為在熊市下買股票只喺倒錢入海,故絶少推介買股票,只喺好個別可能推介買下中移動(00941)、化肥、逆向ETF、光伏、美債ETF,而最佳方法喺揸現金。

若閣下有跟本欄最大操作,即喺揸現金,應該已經跑贏唔少基金經理,進取D如筆者搞逆向美股ETF,雖然目前仍賺住錢,但6至7月絶對難捱,就以納指為例,截至昨日比6月中低位10565回升21.7%。不過,若以2月納指首次跌穿200天線計算,納指仍要跌15.2%。

美股貴反彈難持久

目前筆者依然喺一股SQQQ都未有沽出,原因是依然睇淡後市,首先之前已提及,熊市之否會高台跳水一步到位,中間會出現熊市反彈,反彈力度少則7至8%,勁則可以超過兩成,甚至喺反彈兩成半。

最重要喺判斷後市依然會喺跌,原因喺全球央行依然大力收水加息,加上呢轉標指反彈預期市盈率彈至18.2倍,比過往平均嘅17.5倍高,即喺偏貴,在收水加息逆風下,美股此估值好難企得住。

更何況債市依然發出強力紅燈訊號,就以十年與兩年期美債倒掛情況,更加擴大至47.4個基點,仍是2000年金融風暴後最深,好難說服自已去入市買上去。

全球焦點睇今晚美股CPI,但筆者認為美股反彈應該似完,原因是近期標指持續反彈,更一度高過50天線(現處3946)最多5.6%(圖一,下),按過往1920至2022年數據,已高過正一標準差(5.4%),以上日計只高過4.49%,即正由高位回落之中,故相信呢吓熊市反彈有望告終。

晶片股跪低推冧納指

值得留意晶片股,目前消息面相當曳,上周包括AMD下調業績,Intel上季盈轉虧,意味個人電腦市場前景差,還有GPU一哥英偉達下調收入預測,因受加密貨幣及遊戲收入影響,昨晚就輪到儲存晶片股美光下調展望,尤其警告最後樂土工業及汽車,或會受累經濟不確定性高等等。

費城半導體指數(圖二)早前一度出現假突破,之後又再度跌回至下降通道內,不單止半導體股走勢差,連半導體設備股ASML、Lam Research及應用材料等股份,走勢也從高位回落,由於唯堆晶片股走勢差,相信也會波及納指,前晚納指一度突破下降軌()後無功而還,若展開下一個跌浪,筆者擔心納指會質穿一萬點大關,下試通道底部(圖三)

總括來講,全球股市未跌完,標指仍睇3200以下做目標,納指則睇會穿一萬點大關,恒指短期睇3月15日低位18235,至於做淡倉與否,就則建基於個人風險承受及心理質素,但緊記一定要訂止蝕位,未能執行以上紀律,依然喺揸重現金應對熊市是最好策略。

編按:作者尹德政(Ricky),醉心投資美股近十載,最大滿足感來自尋找抵買有實力的世界行業領袖,每逢周三、五在「信報網站」及「港股360」撰文。

[email protected]

放大圖片

放大圖片

放大圖片

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads