美國上季GDP一如預期出現負增長，即喺技術上出現衰退，但好友依然出盡洪荒之力力撐，隔晚三大股市短暫見紅後，收市全面報捷，標指收造4072，升1.2%，比6月中低位3636共升一成二。
納指升幅更勁，全日升1.1%，收12162，對比6月中低位10565，大升15.1%，炒上去原因是十年期債息持續回落變相利好呢批科技股。
正如某位基金經理講，科技喺未來在估值貴定平都是永遠是對的，要分析事實絶對唔可太表面。至於近期聯儲局持續加息，反而長債息率卻往下跌，絶對唔對路。
筆者估計，美長債息下跌主因是資金避險買長債，目前股債表現兩極只是短期現象，甚至喺平衡基金Rebalancing佢地Profilo，大家唔好唔記得，債市對比股市投資者較醒嘅大道理。
尤其是十年期美國債息息率持續向下，由最高的三厘半跌至執筆時的2.66，失守頭肩頂頸線(圖一)，純間尺圖表分析，十年債息有可能跌穿兩厘，與此同時十年與3個月債息息差持續收窄，倒掛之日只喺指日可待，反映出美股呢刻絶對唔喺牛市，只喺一個比較大的熊市反彈。
隨著美股持續上升，恐慌指數VIX則下潛，但已貼近由去年11月中延伸的上升軌底部，VIX醖釀反彈，美股呢期反彈正進入尾聲。
雖然標指升穿下降軌，但以黃金比率從歷史高位量度，反彈38.2%即相當於4088點(圖二)，還有從標指50天線差距看，目前標指高過50天線3.8%(圖三)，若彈至高過50天線5%，即4月頭水平，標指可回升至4116點，意味再升水位唔多。
至於港股，正如之前分享，恒指雖然勉強企在3月15日延伸升軌上，同時港股成交大縮，正正是十個牛皮九個淡，今日過千億成交質穿該升軌，即是港股大有機會再插。
因此踏入八月無輪港股及美股，都會再度陷入弱勢之中，在聯儲局一日未變鴿時，股市依然喺生人勿近，依然喺用摩連奴打巴士防守陣策略，揸重現金，求打穩陣。
編按:作者尹德政(Ricky)，醉心投資美股近十載，最大滿足感來自尋找抵買有實力的世界行業領袖，每逢周三、五在「信報網站」及「港股360」撰文。
