熱門:

2021年4月12日 國際財經 即巿股評

【環宇搜股】克里訪華或領綠能股突圍

清明復活長假後,中港股市驚嚇消息一蘿蘿,先有騰訊(00700)遭大股東配股,繼而有速遞之王順豐(002352.SZ)在疫情下突然宣布季績竟見紅,周末輪到阿里巴巴(09988)遭阿爺打手板,重罰182億銀兩。

阿爺錫住打阿里手板

182億元人民幣對於股民來講簡直喺天文數,但對阿里來講,阿爺出手已唔算重,睇番上季阿里收入2210.84億元人民幣,按年增長37%,經營利潤為490.02億元,增加24%,加上揸住逾四千億元現金,以今次判罰來講,只是上季經營利潤的37%,可以講阿爺錫住阿里打手板。

阿爺錫住阿里打手板,當然唔喺整死阿里,尤其阿里創新力度強,只要在法例框架守法行事,阿里仍然喺內地一間偉大企業。股神巴菲特拍檔芒格(Charlie Munger)卻睇通睇透,上季見阿里價殘,懶理市場淆底去撈底,不斷靜雞雞收集。

中港股市無可否認喺弱,但再大跌機會唔大,唔計人行,全球央行都義無反顧放水,單睇美國聯儲局,今年資產負債表已膨漲4.7%(圖一)

疫情複雜央行難收水

另一方面,疫情依然是一個大威脅,無錯美國打疫苗進度理想,每日新增個案由一度每日超過廿萬宗,大幅回落到約六萬宗水平(圖二,上),死亡個案也由曾經超過三千宗,降至現時每日不足一千人(圖二,下),但可悲的是每日新增日數未有再大幅顯得下跌,過去十日(圖二粉紅線)與廿日(圖二黃線)平均分別有6.9和6.65萬人,更有苗頭有上升趨疫,數據上也難怪聯儲局主席鮑威爾,昨晚表明美國經濟下行風險仍在,特別是新冠疫情可能再惡化。

更何況,美國通縮似黑洞,由2009年至現在瘋狂放水,到呢刻核心PCE高過聯儲局訂下高過2%(圖三)加息目標只是寥寥可數,而鮑威爾亦講無數次,唔介意通脹高過目標,或者佢心諗核心PCE長期高過2%喺神蹟。

中美共同對抗氣候變化

美國十年債孳息率回落,推動納指回勇,但主要喺大型科技股,Facebook與Google股價頭一線大型龍頭科企已先後破頂,支付公司Paypal與Square也兜底回升,亞洲區有做支付的Sea(SE)及雷蛇(01337)股價亦唔差。

本周美國將有多間大型銀行股公布業績,同時包括會公布中國三頭馬車與GDP數據,還有要留意美國總統氣候問題特使克里,有傳將於本星期訪問上海,更是美國拜登上台後首次有美國高官訪華。

大家都知中美政治及外交分歧大,但氣候問題雙方都表明會積極面對,即喺大家仍有計傾嘅地方,而中美多隻新能源股最近相當殘,股價也十分落後,一旦落實任何合作,足以令呢批股份隨時迎來大反撲,可留意光伏股Sunrun(RUN)、Array(Arry)、大全(DQ),光風股TPI(TPIC),還有電動車股TESLA(TSLA)等呢類股份,現價少注,以跌一成作止蝕。

作者尹德政(Ricky),醉心投資美股近十載,最大滿足感來自尋找抵買有實力的世界行業領袖,每逢周一、三在「信報網站」及「港股360」撰文。

(編者按:信報分析團隊羅崇博、尹德政、陳鎮強最新著作《勢在必行:活用全方位價值趨勢信號》現已發售)

歡迎訂購實體書 電子書:https://bit.ly/ejbook141

[email protected]

放大圖片

放大圖片

放大圖片

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads