「港版納指」今日首日登場，但絶對唔喺今日焦點，今日最大單新聞喺，金價終於升穿1921美元高位。
千禧後金價領放納指恒指
上周三已經講咗好多白銀，今日講吓金價。好多人認為買股遠比買金好，因為金價唔喺升好多，尤其對比美股，是真的嗎？作為超過十五年的黃金大好友，可以答你喺錯的！
以千禧年至上周五為例，金價累計升咗5.6倍(圖一)，相比計埋股息回報，納指只喺升2.28倍，恒指也升1.95倍，所以黃金其實喺遠遠跑贏股市，只喺近十年在1036至1921美元上上落落。
其實自千禧年後買金遠比買股好，從1999年每點道指相等於大約44.8盎司黃金(圖二)，到2011年一度跌到每點道指相當於5.5盎司黃金，之後九年金價進入呆滯期，每點道指一度回升至相當於22盎司黃金，但全世界狂印，再度釋放通脹惡魔預期，也令金價今日破頂，飆至歷史新高的1944美元。
年底最牛睇2215美元
長遠來看，以道指黃金比率計，金價絶對未升完，因現時每點道指只是相當於13.68盎司黃金，遠比自1920年至今平均11.75為低，意味金價依然對比股市平。
之不過，短期金價確實升得太急，主觀願望會受制1950美元(圖三)，之後會出現一下較深度調整，有可能回試到1803美元，之後以造咗9年的杯柄型態(Cup With Handle)再抽升，兼突破埋兩千美元大關。
若果用間尺劃線量度，以1980年1月21日最高見過850美元，及2011年6月9日的1921美元劃直線，最樂觀情況下，金價年底今升至2215美元，即整條升軌的頂部(圖四)。
金價狂牛見一萬美元不是夢
所以現時未有揸金礦股或實金，應該要不要受引誘，當全宇宙狂呼叫買金時，總時突然會來一個大調整，記住等調整才吸納，至於之前低位買落，當然唔好被震走。
因為金銀價爆升只喺開始而非終結，尤其全球狂印令債務上升，最終都喺依靠通脹解決，道指黃金比率掟至1兌1亦唔出奇，意味金價往後十年隨時會升到每盎司過萬美元！
作者尹德政(Ricky)，醉心投資美股近十載，最大滿足感來自尋找抵買有實力的世界行業領袖，每逢周一、三在「信報網站」及「港股360」撰文。
（編者按：信報分析團隊羅崇博、尹德政、陳鎮強最新著作《勢在必行：活用全方位價值趨勢信號》現已發售）
歡迎訂購實體書 電子書：https://bit.ly/ejbook141
