終審法院月前裁定社民連副主席兼「彩虹行動」成員岑子杰，就同性婚姻案部分勝訴，並要求港府應設立替代框架承認同性伴侶關係，暫緩兩年執行。行政會議召集人兼新民黨主席葉劉淑儀今午於立法會政制事務委員會政策簡報會上表示，希望政府跟進落實裁決，形容終院判決「就係終局㗎啦，我就真係睇唔到中央政府點樣可以、交畀人大釋法嚟凌駕終審庭嘅裁決囉；而且請人大釋法係非常嚴重嘅一個問題嚟」。她續稱，以往每次釋法均惹爭議，不應隨便動用解決事端。
日前曾質疑終院裁決違反內地《憲法》及《港區國安法》、建議由人大釋法澄清的選舉委員會界別議員何君堯，亦於會上提及事件。他指《憲法》確立一夫一妻制，若本港要承認同性婚姻理論上可做到，「如果香港係獨立嘅地方」，但作為中國領土一部分，本港便應按《憲法》定位行事，否則將會影響特區及中央雙方關係。
何君堯形容，對於法庭強制港府兩年內要處理，「我就三個字講『可怒也』」，斥終院「係咪指導咗我哋嘅特區政府唔使行政主導」，也質疑無就問題諮詢民意，「佢講咗就算數㗎啦？佢有冇問過我呀？有冇問過你呀？有冇問過佢哋呀？...叫你sit你就sit呀？喂呢個係好離譜喎」。他續稱，裁決重要而影響社會結構及婚姻家庭價值，認為法庭越俎代庖，「點解會唔係立法會嚟去做，係由你court of final appeal, the judges make the law(由法官立法)?」。與會的政制及內地事務局局長曾國衞則表示，已收到其意見並整理當中，稍後將有書面回覆。
至於全國人大常委會基本法委員會委員、同屬選委會界的經民聯梁美芬亦在會上表示，對終院裁決有憂慮，認為不應歧視不同性傾向，但也不應矯枉過正。她指判決「由3位應該都係唔係好熟悉、我哋唔係覺得佢好可以明白我哋喺香港社會嘅傳統家庭價值嘅法官，去贏咗2個非常之有權威性嘅終院大法官」，重申認為不應派外籍法官處理與國家安全及爭議性影響家庭價值議題。
梁美芬強調，應維護一夫一妻、一男一女家庭關係，稱有建制派高調反對其建議，形容外界擔心「會唔會政府畀呢啲意見帶着走」。她指裁決「係咪polygamist(一夫多妻者)咁解呢？我真係唔知，但係呢你知啲年青人唔識、鑽洞子呢，搞到變咗亂哂大龍」，重申希望政府審慎處理，「因為你進入婚姻就係想排除第三者啫，如果唔係唔好進入婚姻......唔好搞到連排除第三者都打倒埋...係好恐怖嘅一個發展」，更認為「一個穩定嘅家庭結構係對我哋14億(人民)咁龐大嘅國家喺危機嘅時候係非常重要」。曾國衞則指，當局處理各項和諧共融政策，目標是達致社會多元共融，而非撕裂或「永無寧日」，故將爭取在有社會共識前提下，才會小心衡量處理。葉
