« 返回前頁列印

港股直擊 | 2015-02-26 12:25

【盤房來料】喪炒深港通概念AH差價股

放大圖片

雖然上證昨日七連升斷纜,但今日即回勇上半場已升逾1%,港股亦受帶動扭轉早段跌幅倒升,恒指更向二萬五關口挑戰,錄得近兩百點升幅。

內地股市跟港股之所以咁勇猛,係有消息指深港通將於短期內啟動,再睇番今早炒鬼又喪炒AH差價股,深港通可能真係好事近。奇怪係明明今次講緊深港通,照道理係炒深圳A股同香港H股差價先啱數,不過炒鬼一於少理,總之係AH股差價大都喪炒,洛陽玻璃(01180)同熊貓電子(00553)升近一成,成為最大升幅AH差價概念股。阿Man認為炒番喺深圳掛牌嘅H股先合情理,不妨留意山東墨龍(00568)、山東新華(00719)同埋東北電氣(00042),三股分別都有深圳A股,而且折讓幅度極大,H股閒閒地折讓六成。當中又以東北電氣最好炒,一來股價2元樓下啱晒炒鬼嘴形,加上具備「一帶一路」經濟帶輸電走廊建設及中亞五國輸電聯網為其帶來龐大商機,即使深港通無咁快啟動,下月兩會落實一帶一路,東北電氣都夠晒炒作概念。

麥狄文