« 返回前頁列印

即巿股評 | 2015-03-24 12:31

【盤房來料】金山成功「獵豹」 軟件手遊股炒起

放大圖片

大市受內地股市先高後低影響,恒指受拖累跌逾百點,重返24300點水平,加上下星期一期指結算,唔排除大戶壓住指數喺低位轉倉。

金山軟件(03888)派完成績表後動作多多,「獵豹」去年成功喺美國上市後,業務持續增長,再宣布同金蝶(00268)簽訂戰略合作協議,兩股股價均見逆市上升,帶動整個軟件板塊做好,中國軟件(00354)同擎天軟件(01297)分別升4%同9%。除咗軟件股,手遊股亦有買盤吸納,挨豬豬(08002)升逾7%,追落後不妨睇住鬥地主(00434)。

至於噚日叫大家先喺兩毫子水平食糊嘅中國礦業(00340)果然要調整,先睇今日守唔守得住0.18元水平,守得住再作整固組織另一升浪,守唔住可能調整幅度要深些少,反正食咗糊睇定啲先重新再車亦唔遲。總之守得住0.18元或者可以考慮上番車,守唔住0.18元可能調整要見0.16元,總之睇位再決定。噚日叫超大現代(00682)又係上到五粒神行人止步,睇款暫時走緊RANGE,0.45元至0.5元之間上落,要開快車一定要升穿五粒神企穩。

麥狄文