熱門:

2018年8月1日 即巿股評 港股直擊

【輪證贏家】8月準備炒業績

今日一早返到嚟公司大家張枱都執到好乾淨,事關今日下晝有一個important guest會嚟公司喎(公司個email係咁寫嘅),做布景版唔緊要,但要搵地方收起晒啲零食先麻煩。(唉,一陣先再執啦!)

噚日見個市麻麻,估做唔到「七翻身」嘅情況之下,揀咗隻恒指熊(62190)出嚟,一來睇吓有無位入場做個day trade,二來隻滙控Put(24681)都揸咗幾日,睇嚟都凶多吉少,所以就睇吓隻恒指熊會唔會幫到啲手。

喺下朝1點45至50分嘅時候,見恒指5分鐘圖嘅SlowSTC(14,3)出現超買,如是者就可以將(62190)落場,當時證價高低位($0.074/$0.070)拉個中間數$0.072作為買入價。到咗2點53分,(62190)證價做緊$0.079,計一計咁就9.7%落袋啦喎,再睇多次恒指個5分鐘圖,SlowSTC(14,3)都接近超賣水平啦,喺唔貪心嘅大前題下,呢個時間就應該要走人。

至於隻滙控Put(24681)揸咗四日都仲係無乜彈嘅跡象,同時之前都晝過滙豐控股(00005)日線圖上呈「三角形」出嚟,即有待變意思,而下方嘅技術指標都因為keep住出現個淡樣,無耐性嘅可能一早已經喺$0.07X呢啲水平掉走佢,無眼屎、乾淨盲。但若然揸到今日嘅話,今朝滙控隨大市反彈,日線圖見已經突破咗個「三角形」,連50天線($74.79)都穿埋,(24681)入晒肉,好彩嘅叫做有隻(62190)噚日頂一頂。

依家10點4分,恒指做緊28718點,升136點,大市向上兼有新貼價牛嘅出現,令到牛證重貨區28200至28299點由這麼近變成那麼遠。

睇完台長send比我個WhatsApp千字文之後,再望返個市,變化就唔係話好大,再繼續睇返恒指牛熊證街貨圖先,上方熊證最重貨就係喺29100至29199點,依家睇圖嘅話你就會見佢同現價有五層嘅距離,但見今日恒指最高做過28772點,即係話其實最貼價嘅28700至29799點嗰163張期指,當中有大部分已經被個市食咗,餘下嘅都唔剩得多。

咁講,用現價去上/下計同重貨區嘅距離,上嘅就相差481點;下嘅就相差518點,兩者點數相差37點,咁當下方牛證重貨到有成2109張期指係吸引嘅,但你望吓個月曆,今日8月1日啦,即係話中期業績公布又開始啦,呢啲時候就梗係順住業績嚟炒落去啦,比啲時間大家搵搵啲業績公布日同研究吓(其實我要做定功課先,下半part見)。

作者阿珊,從事財經及投資版報道超過10年,由平面媒體走到網絡世界,《鐘擺戰略贏港股》作者。相信技術分析,由窩輪到牛熊證無一不炒,唔貪心,志在搵餐下午茶。

電郵:[email protected];Weibo:#Gladyshan

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads