熱門:

2018年1月17日 港股直擊 即巿股評

【輪證贏家】恒指先望32000點

噚日揀咗恒指牛(61566)出嚟皆因見到恒指牛熊證街貨圖上有好多熊證係度,不過愈睇個市愈升愈有,好不容易等到下半場恒指5分鐘SlowSTC(14,3)見到2字頭,就忍唔住將隻牛證送落場,若然是按噚日策略嘅話,就真係無位落場,事關噚日收市前恒指5分鐘圖上無見過超賣,最後恒指仲升565點收工,收市報31902點,雖然未掂到31925點,但收市點數計就創咗歷史新高;或者就係呢個「歷史新高」令人開心得滯,今朝無啦啦收到個push話「恒指創開市新高」,我心諗:「奇怪,明明低開79點架,唔通啲data有錯?」無幾耐我收多個push,開首兩隻字已經係【更正】,真係嚇死朕。

返到公司坐低,第一時間就當然係簽返好啲病假紙同最緊要嘅claim睇醫生錢啦,10點未到見個市愈跌愈紅,戰友Jack問:「今日是真調整嗎?」但無幾耐個市又彈返上去,拆開恒指5分鐘圖睇,見到今朝9點55分恒指做咗目前低位31642點,剛好踩住咗條500線(5x100線),跟手出咗「三個白武士」,補返今朝個下跌裂口;依家10點29分,恒指再次軟皮蛇。

坦白講,坊間已經有大把人講恒指會破 31958個歷史高位,有唔少仲好心雄話見39000點,我無水晶球更無預知能力,我唔知恒指之後會上到邊,但我仍然好肯定嘅一件事就係:唔係話個市無可能再升,皆因世事無絕對嘅,不過恒指真係超買咗好耐,策略上應該以快為主。

更肯定嘅係,從恒指牛熊證街貨圖中見到,上方熊證32000至32099點呢度嗰756張期指仍然佔領熊證重貨區之首嘅位置,而呢度亦係第二貼價區;最貼價嘅31900至31999點呢度就有336張期指,量係唔算多,咁講真成村人輪流博市跌入put/熊仔都博咗咁多啦,仲買咁貼價嘅熊證真係嫌命長咩,更何況下方牛證最貼價嘅都講緊31000至31099點,呢度先得485張期指;若然要數重貨區嘅話,仲要數到落去30800至30899點先到,呢度有1058張期指,但同現價(10點38分報31802點計)相差成1002點呢,恒指牛(64153),收回價31223點,同現價有逾600點差距,雖然槓桿唔係話最高(呢度牛證約49倍 VS 同一收回價最高嘅約53倍),但勝在成交活躍嘛。

作者阿珊,從事財經及投資版報道超過10年,由平面媒體走到網絡世界。相信技術分析,由窩輪到牛熊證無一不炒,唔貪心,志在搵餐下午茶。

電郵:[email protected]

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads