熱門:

2015年2月23日 港股直擊 即巿股評

【盤房來料】遠東控股賣完物業炒賣殼!

羊年大家好,祝各位羊年旗開得勝,買咩贏咩!今日港股可以話係「紅盤快落」,承接外圍升勢高開後即掉頭回落,跌幅一度有167點。講真二萬五阻力唔細,除非有特別利好消息,否則要破此關唔容易。

由於內地股市仍然休假,本地魚缸交投亦甚為淡靜,可能要等到星期三內地復市港股先有翻啲睇頭。遠東控股(00036)總算帶畀缸邊友一點點歡樂,公司復牌宣布向主要股東出售一籃子物業,被市場解讀為部署賣盤,甫開市已裂口高開十幾個巴仙,期後升幅擴大至超過三成。睇番遠東控股停牌前市值唔夠4億元,主板殼價閒閒地講緊5億元,截至2013年底NAV0.832元,難怪缸邊友唔怕高追。同系遠東酒店(00037)亦跟炒,同樣市值細細唔夠2億元,NAV0.602元,現價相對平咗一大截,但講鑊氣當然唔及得遠東控股,遠控多得全部魚缸炒鬼雲集,你推我托之下股價自然愈升愈有。

阿Man假前買定東瀛遊(06882)等破頂,今日走勢亦算對辦,只係成交未夠尚欠鑊氣,要畀些少耐性等突破。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads