熱門:

2015年2月17日 港股直擊 即巿股評

【盤房來料】航天系出咗名炒一日冇影!

憧憬阿爺派利是減息,內地股市上升,港股亦喺中資金融股帶動下再升逾百點,重上24800水平,不過成交繼續淡靜,盤房電話成朝響得一兩次,今日成交隨時跌破500億元。

航天萬源(01185)發盈喜炒高14%,同系航天控股(00031)同中航工業(00232)亦雙雙落鑊,分別錄得4%及9%升幅。阿Man無興趣參與,高追無謂,航天系出咗名炒一日冇影。尋日鱷魚恤(00122)大股東開到口話『賣衫』,股價即時炒到癲,今日缸邊友搵咗建溢(00638)出嚟玩,晒士細細市值得幾億銀嘢,剛好係主板殼叫價,仲有大把水位向上炒。不過炒賣殼純粹係缸邊友自己揣測,有資格成為一隻靚殼,除咗係股權集中,盤數乾淨,兼市值偏低之外,通常業績都係冇乜睇頭,兼且業務前景欠佳,除非得大股東親口承認有意賣仔,否則都係得個炒字,不宜對呢類股份過份憧憬。反而阿Man望實隻東瀛遊(06882),今早見過2.08元,差些少破之前高位,暫時喺2元附近徘徊,以彭博預測2014年EPS0.26元計,現價估值仍偏低。喺日圓低迷遊日成為港人首選情況下,相信今年第一季業績一定靚仔,不妨買定貨等下月公布業績。

由於明日只有半日市,《盤房來料》將提早今日收爐,阿Man同大家拜個早年,祝各缸邊友羊年『洋洋得意』,喺魚缸內『揚長萬里』。

麥狄文

編按:作者麥狄文,Mandy Mak(阿Man),從事金融相關行業多年,擅長喺盤房內外收風,專欄『金融街密語』逢星期三跟讀者分享金融圈內趣事秘聞,現逢每個交易日中午收市後,為信報網站讀者分享炒作情報。

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads