熱門:

2015年2月16日 港股直擊 即巿股評

【盤房來料】聯通中電信併購謠言或變預言

上周五阿Man已表明大市調整已告一段落,不過未有特別利好消息刺激下,大市表現牛皮,僅於24700點附近窄幅上落。睇番街貨熊證有增加趨勢,而經過上周一輪屠牛行動之後,牛貨街證亦開始減少,相信大市再向下屠殺機會唔大。反而熊證街貨重貨區喺24800-25000點水平,向上挾淡倉機會增加,而且內地股市向來有『紅包效應』,喺港股逐步『赤化』情況下,港股亦有可能迎來紅包效應。

港股新年假前玩多內地股市半日,半日市通常冇乜睇頭,呢兩日預咗繼續拍烏蠅,阿Man個炒股戰友已提早收爐外遊放假,相信唔少缸邊友亦一樣。少咗批短炒資金入場,魚缸顯得份外冷清,呢個時候不如炒少兩日,叠埋心水等過年。尤其係唔少當炒股玩幾吓又冇晒影,高追隨時走唔甩。有心儲貨考慮幾隻中資電信股,即使工信部或業內巨頭均表示有關電信業併購或體系改革傳聞屬流料,但相關股份急升後唔見太大回吐壓力。一旦行業改革併購落實執行,以聯通(00762)同中電信(00728)『結盟』效應最大,前者13元買入,止蝕位12.8元;中電信則待回吐至4.7元100日線附近上車。

麥狄文

編按:作者麥狄文,Mandy Mak(阿Man),從事金融相關行業多年,擅長喺盤房內外收風,專欄『金融街密語』逢星期三跟讀者分享金融圈內趣事秘聞,現逢每個交易日中午收市後,為信報網站讀者分享炒作情報。

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads