熱門:

2015年2月13日 港股直擊 即巿股評

【盤房來料】憧憬內地減息內房股落鑊

內地股市釋放唔少IPO資金,加上人行一再進行逆回購放水,喺水頭充足之下,上證指數重上3200點水平,帶動恒指收復10日及20日線失地。尋日恒指條頸線失而復得兼且重上24400水平之上,加埋今日再升逾200點,睇樣調整暫告一段落。

內房股有買盤追捧,世茂(00813)、富力(02777)同綠城(03900)等升逾2%,主要係缸邊友睇死阿爺要減息,因為近期公布0既經濟數據實在太差,降備放水都唔夠,減埋息先可以防止經濟增長大幅倒退。阿爺幾時減息阿Man當然唔知,阿爺做嘢一向出奇不意,至於內房股追唔追得過,炒短冇問題,中長線要睇賣樓成績如何。純炒減息的話,負債愈重愈有着數,上述三隻內房股比較,富力槓桿最大欠債最多,一旦減息亦最着數。

油價反彈亦帶動石油板塊炒起,頁岩氣股亦落鑊,記得阿Man講過頁岩氣股通常炒一日又冇影未宜高追,加上頁岩氣石油成本約62美元一桶,就算油價反彈重返52美元一桶都係蝕住做,純粹短炒梗冇問題,見好即收切忌高追。

麥狄文

編按:作者麥狄文,Mandy Mak(阿Man),從事金融相關行業多年,擅長喺盤房內外收風,專欄『金融街密語』逢星期三跟讀者分享金融圈內趣事秘聞,現逢每個交易日中午收市後,為信報網站讀者分享炒作情報。

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads