熱門:

2021年11月29日 港股直擊 即巿股評

【輪證贏家】恒指再熊 再殺重牛

上個星期五(11月26日)午市出咗隻恒指Put(26661),博DT食到呢注的話,隨時再等保歷加通道口再拓闊先至可以。但可惜等到收市都未見五分鐘圖條保歷加通道向下,反正出Put預咗過夜,問題只係過weekend要過兩日。

到今日恒指U,開市報低於24000點,即係話第一層嘅牛證街貨24000至24099點全層已死,呢度有相當於1428張期指,再望望23900至23999點嘅牛證都有800幾張期指街貨,所以喺未正式開市嘅時侯同聊天室嘅戰友講定準備淡倉再殺,誰不知今日開市後見指數落到低位23871點,火速殺埋第二層街貨23900至23999點之後,指數喺低位慢慢向上chok返上去,指數共殺2244張期指街貨,幸好聊天室戰友們好快做出好倉嘅反應(有時打字都真係唔夠個市快),而(26661)亦都應該趁開市後見指數向上行而拿拿聲走人,以今朝開市後見(266614)輪價有0.2元以上,都知呢注過夜Put安全先。

依家10點8分,指數一度倒升之後依家再次見紅,喺五分鐘圖上見指數上到接近250分鐘線(五分鐘圖50線),再出者「平頂」之後又再下行,但問題在於今次下行到保歷加通道底線之後,喺10點12分暫時未見到保歷加通道有拓闊嘅情況,以依家恒指做緊24014點計,指數同下方第一層牛證街貨23800至23899點雖然有逾700張期指街貨,但係同現價嘅距離又再次拉遠返。

「反正依家指數點計都係近下方牛證街貨啦,再出淡倉等指數向下殺牛咪得囉。」唔係唔得,只係一來今日睇指數個樣好似做完嘢等收工咁,二來今日期結日,三來喺五分鐘圖上未見到保歷加通道口拓闊,指數有空間再向下行咁款。

恒指熊(54399),收回價24636點,同現價有逾500點差距,為市場上最貼價熊證中槓桿最高,依家指數再次向下落,Slow STC(14,3)兩線都向住超賣方向出發,不如晏啲等返指數回氣時先至再出啦。

作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。

即市聊天室/Patreon:https://www.patreon.com/cbbcwar
FB:https://www.facebook.com/cbbcwar

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads