熱門:

2021年11月26日 港股直擊 即巿股評

【輪證贏家】日線就嚟見「死亡交叉」

噚日全幢大廈停電,唯有執定包伏,一朝早移師陣地回娘家開工,收咗市之後先去醫院拎返張覆診紙,跟住直奔去小巴站坐車返屋企,為嘅只係睇下我家肥貓一個「人」喺屋企有無咩事發生,我諗佢都只係好好地瞓咗一個晏覺。陪咗佢一 陣我又再出門口,再返娘家同屋企人食飯,再返到屋企無耐,我家肥貓匿咗入我個袋度,坐住晒我出街要所嘅嘢(除咗個電話),倒底你係怕凍要搵地方匿,還是向我宣示不滿?出街出咗成日?大佬,其實我喺度嘅時候,你都係瞓覺咋喎,咪扮嘢啦。

今朝起身到依家我家肥貓仲喺我個袋度,一陣Lunch time我阿姨話搵我食飯,要諗諗計睇下點樣拎返啲嘢出嚟見得,不過喺未諗到辦法之前,恒指完U開市報24502點,跌逾200點,指數由近熊證街貨旋即落到近牛證街貨,仲要第一層24500至24599點被殺晒咁滯,其實都預咗佢會死,死之餘今日見喺牛證第二層街貨至第四層街貨,呢三層每層都有過千張期指街貨喺度,本以為指數會吽到下個星期期結先開殺戒,估唔到提早收割。依家9點41分,指數繼續向下,頭三層牛證街貨已全數死亡,呢度夾埋有相當於2778張期指,還好今朝喺未正式開市之前喺聊天室同戰友講定可以出淡倉追落,呢個早餐相當富豐。

嚟到10點正,指數仍然都喺低位徘徊緊,換個小時圖見Slow STC(14,3)兩線仲有位向下落,不過今朝第一棍出咗支陰燭,而且燭身都唔細,如果呢個鐘開始悶局的話,咁10點至11點出一粒好細嘅燭出嚟之後夾埋嚟睇,就好大機會變「身懷六甲」,呢轉跌勢隨時收工。

睇埋個日線圖,見到10天線、20天線同50天線好鬼近,而10天線晨早勢頭已經向下,今日見似乎爭少少就可以出到「死亡交叉」,更重要嘅係指數五條主要平均線開始進行倒序排列,呢一個都係看淡訊號嚟架。

恒指Put(26661),行使價24278點,同現價只有0.28%價外,出年3月底先到期,留意依家11月底,12月底嗰啲已經變成不足一個月嘅末日輪架喎,我哋好快又過一年啦,唔好以為2022年嘅輪好長期呀。

作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。

即市聊天室/Patreon:https://www.patreon.com/cbbcwar
FB:https://www.facebook.com/cbbcwar

放大圖片

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads