話說噚日入咗隻滙豐牛(62813)，不過恒指下午嘅走勢都係麻麻地，而滙控股價雖然喺五分鐘圖上見喺下晝都係處於保歷加下降通道運行，但收市時都仲叫做企得返上40元樓上，都仲可以守得下。小注落場試水溫關係，所以都可以一博過夜，今朝返嚟見恒指完咗U盤之後都有過百點升幅，而滙控今朝開市報41.25元，升2.36%，(62813)證價依家(9點39分)做緊0.039元，對比噚日平均買入價0.0355元，暫時有9.86%嘅賺幅。
其實，喺日線圖上見滙控股價上返去保歷加上升通道，換言之，之前出牛證博股價喺日線圖上上破保歷加通道中軸策略成功，基本上隻(62813)都已經可以收工；反正今朝咁樣高開法，五分鐘圖Slow STC(14,3)都好大機會彈到上超買位，然後估計會出遇頂回落。
先唔琩隻(62813)先，反正噚日都係小注試水溫，換個恒指圖出嚟睇下先，見到嘅情況同滙控啱啱相反，依家9點45分，指數繼續向上衝至依家升幅已逾200點，不過，距離熊證第一層街貨24600至24699點仍然有約150點差距。反正開咗牛熊證街貨圖就睇埋落去先，今日熊證無新增街貨層，最貼價仍然係24600至24699點，呢度有相當於469張期指，為最多新增街貨層。而牛證方面則有一層新增街貨，所以最貼價層上移至24100至24199點，量唔多廿張都無。中間位就係(24199+24600)/2=24399.5點，同依家(9點48分)恒指報24447點比，數值上叫做企高於中間位47.5點，當唔當現價處牛熊中間水平，你自己諗啦。
嚟到9點53分，輪到恒指出現Slow STC(14,3)遇頂回落嘅情況啦，望望月曆，聽日就期結，仲要係第三季度嘅季結添，換返滙控五分鐘圖出嚟，見到Slow STC(14,3)已經見%K線跌穿%D線，似乎要轉勢，(62813)證價縮咗一格，激氣，本身已經唔係多架啦，為免連手績費都無埋，都係走隻(62813)先，依家走賺幅縮到得返7.04%。
再睇多次恒指五分鐘圖，喺9點55分恒指上到暫時高位24477點之一後，同一時間喺呢個位置上指數行咗粒「射擊之星」出嚟，同步見Slow STC(14,3)兩線都處於超買範圍，但%K線明顯跌穿%D線，一副準備向下回來嘅姿態；當然，安全嘅話可以等等50分鐘線(五分鐘圖10線)上到嚟恒指附近之後，係接佢還是打佢落去先再出手都唔遲。
恒指熊(68103)，收回價24950點，同現價有逾500點差距，32倍槓桿夠DT用。
至於噚日bookmark咗隻吉利(00175)，喺今朝Patreon嘅【每日一股】做咗跟進啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
Facebook：https://www.facebook.com/cbbcwar
