噚日揀咗隻恒指熊(51747)，數過有三個時段可以落場(不贅，請翻看Patreon噚日嘅【輪證下半Part】，免費架！)，為方便計算，將噚日mark咗落嚟嗰三個買入價再計一個平均價($0.088+0.0895+0.087)，取至小數點後三個位，得出終極平均價為$0.088。
如果(51747)揸到噚日收市前先走嘅話當然肥啦，以(51747)噚日收市價$0.108計，都有22.7%落袋；但係喺噚日寫緊【輪證下半Part】時，大約2點零到啦，見恒指向下嘅動力有所減弱，於是就將隻(51747)中途放走，以噚日Patreon出【輪證下半Part】嘅時間2點19分計，當時(51747)高低位同做$0.095，即平均賺幅為8%。
噚日收市後騰訊(00700)爆咗單新聞：騰訊大股東Prosus以每股575元至595元減持1.91億股，折讓最多8.7%，大股東指未來三年無意再減持騰訊。
隔晚騰訊ADR都已經見跌，今朝開市騰訊都唔例外，開市報$621.35，跌1.3%，不過恒指今日開市都只係跌7X點；去到依家10點11分，恒指一度升過百點，而騰訊跌幅亦收窄至跌1.2%，報$622。
從目前騰訊股價所見，似乎暫時未有太受大股東減持嘅影響，或者算係噚日ADR已經反映晒。由日線圖上見到騰訊前兩個交易日一度升穿保歷加通道中($631.7)以上水平，惜未能企穩之餘，SlowSTC(14,3)亦由此前超賣水平上到中軸後見作勢回落，同步保歷加通道口亦見開始收窄，伴隨今日再見恒指低開高走後進入橫行狀態，唔通又要進入悶局狀態？
呢個moment要搞隻騰訊真心有難度，唯有執住隻騰訊界內證(48618)，中間價接近保歷加通道中軸，為$692.5，上限價$650，下限價$735，屬下限外4.38%嘅價外證，由於呢隻價內證喺今個月尾就到期，一旦騰訊股價重上界內水平，槓桿會即時將證價抽高；一旦不幸到期時仍處界外，都仲有$0.25補底。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
