噚日2點到收到message話林鄭4點鐘出嚟,呢個Singal就連戰友們都話準!所以喺[下半part]寫到最尾時都話隻恒指牛(55252)要拿拿聲掉走,以買入同賣出嘅平均價計算,都叫做有八格落袋。噚日恒指以微跌1點收市,咁樣計真係八格都好過無。
今朝早恒指再嚟高開200幾點,到依家10點11分,恒指升幅收窄,喺五分鐘圖上見恒指失守保歷加通道中軸,所以都叫定聊天室戰友們小注開淡倉,只係基於牛熊證街貨圖上見到近熊嘅街貨比近牛嘅多;再者今朝恒指開市之後率先將第一層熊證殺晒,本以為恒指會繼續向上殺熊證,但可能五分鐘圖嘅SlowSTC(14,3)出現地心吸力,所以將指數拖返落嚟。
10點15分,恒指早已「明明綠燈轉眼變成紅燈」;睇返恒指日線圖,見今日暫時高位28802點,同保歷加通道中軸(28749點)相差53點,雖然穿咗一下但目前形態上都算係受制於保歷加通道中軸,再加上SlowSTC(14,3)於中軸水平見腳軟,咩事又唔殺肥熊,走埋去瘦牛堆呢?
噚晚又瞓得唔係幾好,今朝喺聊天室度cap咗個圖就好直線地以為係恒指,好彩戰友唔嫌棄我唔夠瞓,提醒我嗰幅係恒科指圖,不過,今朝見恒科指五分鐘圖出咗個「黃昏之星」嘅樣,都拿拿聲補對牛熊出嚟比大家享用。
其實恒科指日線圖上嘅走勢同恒指都係差唔多,依家都係見到被條保歷加通道中軸頂住,同步見保歷加通道口收窄中,而整條保歷加通道都係向下申延;一旦指數向下跌穿保歷加通道中軸的話,恒科熊(68059),收回價9000點,同現價逾8%,距離安全,槓桿近9倍都適用於Day trade。
雖然呢單嘢錯有錯著,不過睇錯圖係我嘅問題,喺呢度同聊天室嘅戰友們講聲唔好意思先,唔夠瞓、未瞓醒都唔係藉口,但係隻恒科熊/恒指熊,請繼續享用。
作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。
MeWe/Patreon/FB/IG:輪證贏家
秒投聊天室:輪證教室