熱門:

2021年1月25日 港股直擊 即巿股評

【輪證贏家】再用小時圖捉麻雀

每次望住張竹君4點零做疫情簡報,就好似對六合彩咁,睇下自己住嗰幢樓有無人中,需唔需要做強制檢測;終於喺早幾日中咗我住嗰幢啦,「You are not alone」我得到同事嘅「祝福」,彷彿有種「苦中一點甜」嘅感覺;如同「封城」時,小朋友可以唔怕車、唔怕人、無拘無束地喺條街度踩單車一樣,但我相信佢係真心覺得正嘅。

依家9點42分,恒指已經做完U盤開市,開市報296977點,升229點;到依家升幅略為擴大,至升292點,報29740點。多得騰訊(00700)同港交所(00388)再創新高,給力恒指再上行;而喺恒指五分鐘圖上,今朝做完U盤之後,其實已經將條SlowSTC(14,3)由上星期五收市超賣水平搶高至中軸位置;見到呢個走勢仲唔準備定隻恒指牛?當然都有同聊天室戰友們講低聲可以追恒指牛向上快走一趟。

依家10點10分,恒指升幅再擴大至升逾300點,做緊29796點,但喺五分鐘圖見到恒指條SlowSTC(14,3)已經醒到超買至嚴重超買範圍,都同定聊天室戰友們講定聲一見SlowSTC(14,3)高位轉勢,今早追入嘅恒指牛就可以先行收隊;當然遠少少嚟講用小時圖嘅話,如果恒指可以升得返上小時圖嘅保歷加通道中軸的話,配合埋目前SlowSTC(14,3)嘅低位回升,再闖30000點關又有何難度。

恒指牛(67850),收回價29000點,同現價有逾700點差距,盡量搵一個低位入市嘅話其實都係吼住五分鐘圖條SlowSTC(14,3),等佢回落返超賣先,以小時圖為大方向Trade嘅圖,所蚙當五分鐘圖發出買入訊號時,不忘睇睇小時圖有無異樣,有的話就要放棄策略,因為開市到依家恒指嘅步伐真係比上個星期有啲慢落嚟,要小心睇位部署,情況就好似用個籃去做陷阱,安靜地等隻麻雀行埋啲先好落閘。

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

MeWe/Patreon/FB/IG:輪證贏家
秒投聊天室:輪證教室

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads