今朝一早起身睇新聞就live住噚日油麻地火警現場，I don't care邊個去做慰問，我只在乎往後同類型嘅事可唔可以再避免發生，好地地一個小朋友嘅生日會搞成七死七危殆，最細只得9歲，RIP。
望返個市，今日恒指開市升205點，開市報26362點；到依家10點38分恒指升幅收窄，至一度少於100點，依家就做緊26302點，升145點。上星期隻友邦(01299)Put(27881)，留底咗個策略係等3點打後，睇下值唔值得博過夜，甚至可以考慮沽一半，留一半。望望上星期五友邦5分鐘圖，見到友邦尾市都係橫行狀況，但SlowSTC(14,3)就明顯上行，雖然呢個唔可以叫做底背馳(因指數橫行)，但安全計清倉止蝕或沽一半，留一半都應該要做，如果唔係今日見友邦上行，(27881)輸得仲甘！反正得返一半貨仔，留住先(主要原因都係因為見到30分鐘圖向下走緊啫)
另外，上星期五恒指服務公司公布恒指今年第三季度嘅檢討結果，美團(03690)、安踏(02020)同百威(01876)當選，被剔除嘅就係成份股嘅元老、最後一隻英資洋行太古A(00019)。
上星期五喺[下半part]已經揀定咗隻美團牛(53727)出嚟，就係博佢今次成功染藍。今朝美團股價開市開高近5%，5分鐘圖SlowSTC(14,3)一早被搶高，(53727)亦隨美團造好而彈升，純粹以升幅計，依家11點美團升幅稍為收窄，但(53727)都見有24%升幅。
時間嚟到依家11點12分，見恒指走勢都係浮浮沉沉，望望恒指牛熊證街貨圖，哼！一地都係熊證街貨，怪不得咁細波幅嘅市都鬼鬼鼠鼠先食熊證第一層街貨，133張期指咁就無咗，而最貼價為26300至26399點，都有138張期指；重貨區就係喺26500至26599點，有相當於1660張期指。
至於牛證方面，啲街貨荒涼到呢...唯一叫做稍為有啲睇頭嘅就係第四層25600至25699點，有相當於549張期指，但呢個位已經係重貨區...
乃念熊證有咁多街貨，恒指牛(53802)，收回價25657點，43倍槓桿，絕對係一注純粹睇街貨而出嘅trade。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/IG/Patreon/秒投聊天室：輪證贏家
