噚日見到恒指喺3點半呢啲位,5分鐘SlowSTC(14,3)落到超賣水平,位置雖好,不過如果呢個位係再接近收市前一刻嘅話就更加正。但始級難敵25000至25099點重熊貨嘅誘惑,最後手痕揀咗隻call,不過都係paper trade就算。
依家10點4分,恒指開市後一度跌逾百點,依家叫做回升返,見到倒升3點,做緊24789點;喺whatsapp同我第二任上司求救完之後,再睇返恒指,已經進一步倒升22點,報24809點,心諗:「嘩!上到24800點以上,似乎有啲睇頭」,再開個5分鐘圖望一望,恒指已經行到保歷加通道頂,二話不說又調頭向下,今日確實係難玩,室友們一係搵個股出嚟玩,一係就等恒指方向明確啲再算。
至於噚日八掛過嘅聯想(00992),目前逆市下行中,位置保歷加中軸以下水平,但又未到底,放喺watchlist又唔駛存倉費嘅,就由得佢一直放喺度啦,直至watchlist滿額而再無興趣理佢為止。
又再過多20分鐘,先見到中國平安(02318)5分鐘圖上到嚴重超買位,講真今日搵得到呢啲圖仲有Put/熊比你揀,都真係難得,所以都示意室友們有興趣可以留意一下,set定埋止蝕位,呢啲都係手痕博一博之選;再返轉頭睇恒指,都真係只喺保歷加頂至中軸/底游走,咁窄嘅環境下做trade嘅話,只能夠盡量揀一啲高槓桿嘅牛熊證,以此增加證價彈跳力。
作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。
FB/IG/Patreon/秒投聊天室:輪證贏家