熱門:

2020年10月20日 港股直擊 即巿股評

【輪證贏家】Bookmark殘爆石藥

噚日揀咗隻恒指牛(59592)出嚟,平均買入價為$0.045,都估到唔會呢頭買完,嗰頭條SlowSTC(14,3)就彈咗上去;但又真係無諗到下半場恒指悶到幾乎以為時間停頓咁滯,不過喺下晝3點10分至3點25分,SlowSTC(14,3)再次上到80以上超買水平,按呢段時間(59592)高低位做過$0.052/$0.051,平均價$0.0515,一計之下都有14.4%進賬。

今朝坐巴士返工勁塞,返到公司比平時都晏咗少少,所以一返到嚟就見到成班同事坐晒喺度,搞到我都有少少唔好意思。返到嚟開晒機大約9點50分到啦,聊天室室友們有部份已經入定恒指牛,事關就喺我塞緊車嘅時候,見到恒指開市後,5分鐘SlowSTC(14,3)開始下行,留定隻比較高槓桿嘅恒指牛同埋入市指示後,斟完杯茶坐定定之後,大家都紛紛食即日恒指牛,依家又反手啦,同場加映隻港交所(00388)熊仔,真開心!

上個星期見恒指日線圖出咗「黃昏之星」後,第二日即見一粒小陽燭補咗槍,將「黃昏之星」變成「身懷六甲」,轉身射個三分波後,令日線圖條SlowSTC(14,3)喺高位再次屈返向上,唯牛前處於保歷加上升通道中間,呢啲五五波、估嚟估去嘅嘢,從來都唔係好嘅入市時機。

恒指無嘢玩又試下向個股埋手,搵咗好耐,終於搵到隻冷冷地嘅個股,但個樣唔止衰衰地咁簡單,呢隻就係從來都未喺呢度出現過嘅石藥集團(01093)。

日線圖上見石藥計緊今日為止出現五連跌,SlowSTC(14,3)於此前80水平下行至目前超賣至嚴重超賣範圍,由噚日開始更跌出保歷加通道底部,不過至今保歷加通道仍然拓闊,換言之即係有可能仲有下跌可能,反正日線圖上SlowSTC(14,3)%K線都未向上升穿返條%D線,就放佢入去watch list度先啦。

題外話,有讀者反映話想【輪證贏家】唔止做即市trading咁簡單,Well,方法就當然係加入聊天室啦;不過都明白唔係個個打工仔可以日日開住個Chatroom一齊日日食到飽嘅,所以早兩日開咗個Patreon,暫定不定期會upload一啲同輪證相闗嘅教學/基礎文章(盡力一星期一隻),大家上返Patreon再search「輪證贏家」就可以搵到。係有最低消費嘅,如果你認為文字有價,相信大家都願意付出(其實都係一個負擔得起嘅數字啫)

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

FB/Patreon/秒投聊天室:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads