熱門:

2020年10月8日 港股直擊 即巿股評

【輪證贏家】又返去24000點?

噚晚同我家老爺舉行咗史上第一場(應該唔會係最後一場)嘅世紀大戰──第一屆波子棋大賽,賽果係,我輸咗...Well,it doesn't matter,反正噚日隻恒指牛(50223)贏咗就得啦。

今朝U盤完咗升20點,那時我都仲係喺巴士返嚟公司,但就已經喺聊天室度話應該可以快手追隻恒指熊出嚟;但到正式開市後恒指喺五分鐘圖上先嚟一支「大陰燭」向下插,-_-邊個偷聽我講嘢?搞到連一個摺位嘅機會都無!

依家10點30分,恒指開咗市已經一個鐘,現報24086點,跌156點,呢一碌暫時都唔會對牛證街貨造成任何損傷,事關第一層牛證街貨喺23500至23599點,呢度有相當於130張期指;至於熊證最貼價層為24200至24299點,呢度得94張期指,而熊證過千張期指街貨層今日都已經無咗,換返嚟嘅係第二至第四層嘅街貨各有逾800張期指,都唔係差呀。

「熊證咁多街貨喺度,恒指點都會向上殺熊掛?」正路都真係咁行,不過猶記得之前牛證有成八層過千張期指重貨嗎?大家都以為佢向下殺呢堆極重肥牛,雖不知吽咗好耐先至向下殺,我都唔係好知點解;唔知今次又會唔會歷史重演呢?日線圖所見SlowSTC(14,3)由9月尾落到嚴重超賣時爬返上依家中軸位置,不過見%K線勢頭已經耷耷地,都係出熊穩陣啲,恒指熊(50799),收回價24673點,同現價有逾600點差距,同一收回價中槓桿最高,有逾32倍,吼五分鐘圖嘅話可能等到天光,可以考慮轉用30分鐘圖,甚至係1小時圖,將今次呢條trade嘅時間拉長少少,或者會有驚喜。

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

FB/秒投聊天室:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads