熱門:

2020年9月17日 港股直擊 即巿股評

【輪證贏家】VHSI反彈了

噚日見住恒指波幅指數(VHSI)日線圖SlowSTC(14,3)落到嚴重超賣水平,估計大市即將上演一場腥風血雨;恒指未開市之前我喺樓下巴士站就真係腥風血雨,半個身濕晒,返到公司拿拿聲喺櫃筒拎返對人字拖對嚟,無計,對襪濕晒我真係頂佢唔順。

喺巴士返公司嘅途中,恒指已經完成U盤,開市報24676點,跌49點;再開恒指5分鐘圖先即日SlowSTC(14,3)回落至接近超賣水平,本以為開市後再向下行多兩步,等SlowSTC(14,3)到地就會彈返上去,誰不知一開市就倒水咁倒,當然又未至於腥風血雨,不過接近一個鐘頭後恒指已經將牛證首兩層街貨24500至24599點,同埋24400至24499點全數收回,夾埋有相當於756張期指。

依家10點39分,恒指處於244XX點呢個位唔上又唔落,就趁呢個空檔睇睇牛熊證街貨圖,兩邊都無新增街貨層,而牛證依家最貼價為24300至24399點,呢度有相當於144張期指;最吸睛嘅仍然係24000至24099點,呢度有過千張期指街貨喺度。

剛剛同Marketing同事講完年底promotion嘅嘢之後,再睇返恒指已經二話不說的向下插,5分鐘圖上莫講話恒指本身,就連SlowSTC(14,3)彈都唔彈,仲諗仲等恒指一彈高就向下啪返佢落去,但彈都唔彈就落咗去,你叫我準備咗隻恒指熊(66118)(收回價25138點,同現價有逾700點距離,屬安全之選)情何以堪...

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

FB/秒投聊天室:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads