熱門:

2020年8月28日 港股直擊 即巿股評

【輪證贏家】Day trade要等

早上個星期睇返本《筆記》喺Google Book Store嘅情況,發現其中有一日有一本嘅銷售點係寫住「TH」,再望望滙價,哦,原來係嚟自泰國嘅銷售,ขอบคุณ,多謝(不過你買得嘅都應該識中文,而我的確係有掙扎過好好地去學一學泰文,仲掙扎到依家)

依家9點7分,今日要喺屋企等收件(基本上疫情下公司按排WFH之後,每個星期我都只係返一日公司,同周末同我家老爺落街做採購,其餘時間都Stay home, stay safe),恒指未開市就睇住牛熊證街貨圖先。

今日熊證新增兩層街貨,熊證最貼價層落去到25400至25499點,呢兩層新增街貨貨量唔算多,夾埋連相當於50張期指都無。至於牛證最貼價層仍然為25100至25199點,呢度有相當於494張期指。

目測整個街貨圖,會發現資金開始離開熊證,除新增嗰兩層之外,其餘各層都見到有相當於期指張數減少嘅情況;但牛證就相反,除咗第一層之外,其餘各層都有新增期指張數。

依家9點37分,恒指終於開市,開市報25330點,升4X點;至依家升幅收窄,做緊25,306點,升25點。

望望月歷,今日期結,按照慣例都唔應該睇得太淡,反正恒指現水平又彈返去近熊證街貨,只係首兩層太少;過多五分鐘,恒指似乎有明確方向,先喺聊天室即追牛但要動作快,再望5分鐘圖恒指飆咗上去,但5分鐘SlowSTC(14,3)%K線超買位升穿%D線,Day trade就係咁忙。

依家9點45分,恒指順利升到25400點以上水平,進入熊證街貨範圍。不過高衝過後又再下行,按依家9點55分見恒指5分鐘圖同10分鐘圖SlowSTC(14,3)兩線高位作勢回落,恒指牛(62438),收回價24500點,距離現價有逾800點,換股比率10000,槓桿比率約35.15倍,Day trade要等。

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

FB:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads