熱門:

2020年8月5日 港股直擊 即巿股評

【輪證贏家】恒指「早晨之星」確立

今日有啲早,事關今日開始喺秒投聊天室落戶,係呀,嗰邊有個即時對話嘅Chatroom,trading day朝九晚六任你問。首日開張,多多關照。

噚日朝早揀咗隻恒指牛(57491)出嚟,本以為下晝個市都無咩事發生,差啲疊埋心水要過夜之際,差不多2點嘅時候恒指突然升逾500點,(57491)雖然未至於係市場上最貼價嘅牛,但證價亦都一下子爆咗上去,已經無計到平均賺幅係幾多,反正目測都有廿三十格,呢個時侯仲唔收割等咩呀。

依家9點19分,仲有1分鐘開市,先望望恒指牛熊證街貨圖。今日牛證新增三層街貨,最貼價上到24500至24599點,三層街貨數都唔多,各層50張都無。而重貨區喺24200至24299點,過千張期指坐鎮。

至於熊證最貼價仍然25000至25099點,街貨量唔多,只有相當於81張。而重貨區就係喺25300至25399點,呢度有相當於603張期指。

終於到咗開時嘅9點30分,恒指今朝開報25029點,升82點。日線圖上見恒指噚日出現咗支陽燭,都算如噚日朝早所講「早晨之星」成立,今日再彈怕嘅只係上方條20天線(25122點)會成為阻力,畢竟呢個位都係由保歷加下降通道彈返上去保歷加上升通道嘅入口位。

依家9點41分,恒指開市後稍有回落,唔緊要,反正喺開市前SlowSTC(14,3)都只係落到去29.X呢啲位,比多少少時間條SlowSTC(14,3)再落先至入隻今日上市嘅新恒指牛(60428),收回價24581點,遠少少安全啲嘅,Day trade目標望住25100至25199點呢堆熊證街貨先啦。

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

FB/秒投聊天室:輪證贏家

#輪證贏家 #輪證下半Part #warrantsandcbbc

放大圖片

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads