熱門:

2020年5月26日 港股直擊 即巿股評

【盤房來料】未能貪新忘舊 不如買盈富基金

全球各國陸續解封,日本全面解封緊急狀態令,日經指數受到刺激升逾2%,道指期貨亦升逾百點,帶動港股今日反彈,重上二萬三水平。與此同時,行政長官宣布稍後會發出指令,容許卡拉OK、派對房間、夜店和夜總會、浴室四類停業場所,可以喺星期五禁令到期後恢復營業,而香港國際機場將於下月1日起,適度恢復轉機服務。喺市場憧憬經濟活動恢復下,恍惚忘記咗明日立會將會二讀國歌法,後日人大將表決「港版國家法」,市場將呢兩個政治不穩定因素拋諸腦後。

恒指高開246點,重返23000之上,早段升幅雖然曾收窄至213點,見過半日低位23165點,其後升幅再度擴大,最多升456點,見半日高位23409點。中午恒指報收23381點,升429點;國指則報9614點,升148點。

藍籌股全線上升,連早兩日表現疲弱嘅地產股升反彈,雖然反彈升幅至少超過2%至4%不等,但相對上兩個交易日嘅跌幅,反彈幅度只係杯水車薪。至於噚日最威嘅港交所(00388),今日見過280元高位,但其後升幅縮晒水,半日報收275.2元,只係微升0.1%,係升幅最細藍籌。其他藍籌普遍都有超過2%升幅。

科技股仍然跑贏大市,噚日大市喺22500水平見支持反彈,其他舊經濟股只係止跌,但ATMX已率先反彈,並帶領一眾科技股抽升,唔少科技股更收復上日大部份失地,早一步已陽燭收市抽升。當中表現最突出係剛派成績表嘅美團(03690)表現好過預期,股價一度升近一成,見138元創新高,半日升幅8.3%,升穿頂唔估頂,有貨嘅繼續持有,至於冇貨仲想高追,就只能夠以自己買入價,設定一個可承受虧損風險止蝕位,一旦失守止蝕位,要嚴重執行止蝕。

一直以嚟阿Man都表示,大方向係要貪新忘舊,而呢幾個月大市表現確如此,預計未來兩極化嘅問題會更嚴重,新經濟股愈貴愈要追,而舊經濟股繼續泛人問津。如果閣下仍然未能改變思維,死守舊經濟股的話,恐怕只會持續跑贏大市,倒不如換馬買入盈富基金(02800),至少可以跟大市同步。

麥狄文
(徐狄怡‧證監會持牌人)

  • 熱門新聞

    回上

    信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

    股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

    本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

    You are currently at: www.hkej.com
    Skip This Ads