熱門:

2019年7月8日 港股直擊 即巿股評

【輪證贏家】恒指推進熊證向後退

被個市悶足一個星期之後,今日一個唔該開市跌261點,開市報28513點;到依家9點44分,恒指最多跌逾400點,低見28292點,而依家就做緊28387點,跌387點。

開恒指日線圖睇,見到今日恒指粒燭跌穿10天線(28577點)同100天線(28625點),連早兩日畫嘅「上升通道」都失守埋,SlowSTC(14,3)亦係高位明顯%K線跌穿%D線;好險嘅係止方仲有條50天線(28625點)同20天線(28141點)仲頂住,未穿20天線又即係話仍然處於保歷加上升通道。

真係咁頂得住?咁就要開埋恒指牛熊證睇睇先啦。以恒指暫時(9點55分止)做過低位28292點計,下方頭四層牛層全數已經死亡,呢度夾埋有2904張期指,而28200至28299點呢度就變成貼牛街貨區,有相當於509張期指,以頭先mark出嚟個低位計,呢一層都只係啱啱踩咗入去無耐啫,暫時仲未有事嘅。至於下方牛證最重貨嘅就係27700至27799點,呢度有相當於994張期指,但同現價(9點58分報28362點計),講緊個市要向下行多563點先到門口,計及沿途嘅街貨,以目前街貨圖上嘅數字計,total有2333張期指,不過兩者距離的確係有啲遠。

真係遠?永遠呢啲無絕對答案嘅嘢都只能夠透過比較先至有相對值答案,所以應該睇埋上方熊證先。依家最貼熊證係28800至28899點,同現價(用返頭先mark個口價28362點計)相差438點,重複多次,呢個點數只係計緊現價同熊證第一層街貨距離,唔係同重貨距離。而熊證重貨就係喺29000至29099點呢度有相當於1007張期指,同現價比兩者相差638點,講緊嘅都係到門口位,而假設個市真係咁樣向上抽嘅話,以目前街量計,total有相當於1134張期指。

上行638點食1134張期;下行563點食2333張期指,相比之下你仲會唔會話下行好遠?更何況大市開市後無幾耐咁樣急插,你估會唔會有資錢吼位入牛證嚟博反彈?恒指熊(50462),收回價28900點,同現價有逾500點差距,約41倍槓桿雖然唔算出眾,但低街貨同敏感度高可以彌補,唔追殺落熊證重貨區,都望住個28000點先啦。吼5分鐘圖見超賣先落場(可以有排等呀)

作者阿珊,任財經/投資版傳媒人十幾年,《鐘擺戰策贏港股》作者。用技術分析專心玩輪證,唔貪心,志在搵餐下午茶。

電郵:[email protected];Weibo[下半part]:#Gladyshan#

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads