熱門:

2019年2月14日 即巿股評 港股直擊

【盤房來料】高等教育股仍受政策支持發展

隔晚美股持續上升,除咗聯儲局有官員放鴿,指未來日子將會確定縮表完結時間之外,侵侵再度表示中美貿易談判將會有個唔錯結果,市場憧憬新一輪談判展開後,或能達成談程度上嘅協議。美股三大指數再升,不過港股昨日急升後,今日借勢調整。

恒指低開101點,開市後跌幅收窄至21點,見28476點半日高位,之後沽壓轉強,一度跌225點,見28275點半日位。考驗250天線(約28336)後,其後內地公布上月進出口遠勝預期,大市收窄跌幅。恒指中午收報28392點,跌105點;國企指數報11155點,跌43點。暫時大市喺250日線有初步支持。

不過港股畢竟升咗足足一個月有多,而恒指累積升幅接近4000點,港股成功挑戰250日線後,先作整固,期指大約支持位喺28000-28200,而上面阻力位暫時喺28400-28600點,估計呢兩日中美談判期間,指數將於呢個區間內窄幅上落,等待談判結果。阿Man較為擔心係大市隨貿易談判結束而有較大變化,一旦談判結果理想,大市或可裂口跳升,一口氣屠殺28600至29099嘅熊證之後,有機會急轉彎,乘機結束升浪。若然相反談判結果係窩可,更加大條道理向下調整,雖然未知係升浪中嘅回吐,抑或係升浪結束要調轉向下,但亦不得不提高警覺。

重磅股個別發展,騰訊(00700)上到350元水平動力大大退減,話咗呢個時候要回吐整固,之前累計升幅唔少,亦會引嚟獲利盤沽貨套利,騰訊或於下月業績公布前,走勢都係家下咁嘅狀況,333元支持應該頗強,但要企穩喺350元之上唔容易。

中國信通院公布,1月國內手機市場總體出貨量按年跌下降12.8%,再加埋舜宇(02382)發盈警,更被大行降評級,手機股回吐。舜宇半日股價一度插近一成,半日跌逾6%,其他手設股閒閒地跌3%或以上,呢個亦係阿Man一向唔建議高追手機設備股。

至於教育今日顯著反彈,其實睇清楚啲,之前教育股政策主要係針對學前教育及K12教育,但對高等教育未有窒礙反展。。國務院印發《國家職業教育改革實施方案》,發展新時代職業教育,《方案》對民辦職業教育的支持態度明確,利好應用型高等教育公司。如果要揀高等教育股份,阿Man偏愛新高教(02001)同埋中教(00839),而宇華(06169)跟睿見(06068)亦各有可取之處。

雖然中資金融股有啲腳軟,但阿Man認為作為中線投資,內地券商股回調,正好畀大家一個吼位上車嘅好機會。內銀股同樣估值仍低廉,中長線投資固然抵到爛,買嚟短炒亦較低回吐風險。

麥狄文

(徐狄怡 ‧ 證監會持牌人‧ 大錦證券有限公司董事)

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads