熱門:

2021年6月16日 即巿股評 港股直擊

【盤房來料】錯過醫美股升浪勿強追尾班車

美股喺聯儲局公布議息結果前偏軟,市場預期息率不變,但最緊要係聯儲局會否因為通脹持續而提早收水,鮑爺維持鴿派態度,抑或轉為放鷹,以及通脹係短暫現象,定係會否轉軚,通脹可能維持一段時間等等。至於港股繼續偏軟,尤其係A股唔精神,美元回升令人民幣受壓下,中港兩地股市動彈不得。

若然通脹維持一段時間,利率有機會向上,對高增長最為不利,恒指早段曾跌逾百點,恒科指表現更差,半日跌1.3%。恒指低開29點,報28609,早段一度止跌回升,最多曾轉升10點,見28648半日高位。可惜A股跌幅擴大,港股再度回軟,最多曾轉跌119點,低見28518,臨近午市跌幅收窄。恒指半日收報28573,跌65點;國指午造10605,跌63點;恒科指半日挫104點,報收7856。

重磅藍籌股以金融股表現較好,若然利率因為通脹壓力上調,對呢個板塊最為有利。至近日較為硬淨嘅生物醫藥股,今日普遍回吐,藍籌三隻藥股石藥(01093)、中生制藥(01177)跟藥明生物(02269)跌1.5%至4%不等。美國技股走軟,港股嘅科網龍頭股亦受壓。ATMX只有小米(01810)力保不失,阿Man都講咗,四大科網藍籌,只有小米較為穩陣,美團(03690)跌3.2%失300元大關,但仍守於20及50日線之上,暫時支持位喺289元,呢啲水平應有一定支持。其他科網股全部腳軟,幸而成交唔算多,沽壓唔算嚴重。醫藥股及醫械股亦唔精神,面對利率上升壓力增加,呢類需要大量資金發展業務嘅高增長股,喺息口上升融資成本增加下,難免受壓。

油價升至超過兩年高位,石油及油服股全線向上,不過阿Man一向唔buy石油股,事關石油供應完全控制喺一小撮人手上,油價太過人為操控,而內地油企喺石油定價上全無話語權,炒作石油股要份外小心。

新股時代天使(06699)今日首掛,半日收報416.2元,較招股價173元招股價,高1.41倍,成交53億元。如以每股400元食糊計,一手200股勁賺4.54萬元,盤中高見490元,如能以此高位沽出,每手更賺6.34萬元,打破有使以嚟首掛最賺錢新股紀錄。對上一個紀錄係1997年上市首掛嘅北京控股(00392),當年首掛如能以當日高位沽出,每手最多賺5.5萬元。可能就係資金流晒去炒作醫美相關股份,其他醫藥股腳軟,但阿Man錯過咗醫美股之前咁大段升幅,當相關股份已閒閒地炒高一倍,估值相對唔平嘅時候,無謂去追趕醫美股嘅尾班車,都係留意返其他估值合理嘅醫藥股,而業內龍頭會係首選。

麥狄文
(徐狄怡‧證監會持牌人)

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads