噚日再用小恒指時圖追恒指上行，仲揀定咗隻恒指牛(51751)出嚟，喺[下半part]都有講到噚日吼到11點55分至1點15分，恒指5分鐘圖SlowSTC(14,3)都處於30以下水平進場，以當時(51751)高低位做過$0.052/$0.046計，平均買入價為$0.049。
之後，同樣都係喺[下半part]隻稿有講底，基本上由噚一下晝1點40分至...收市吧，幾乎成個下晝恒指5分鐘圖SlowSTC(14,3)都處於超買至嚴重超買，以當時(51751)高低位$0.065/$0.053計，平均沽貨價為$0.059，對比平均買入價有20.4%嘅賺幅；當然，以噚日喺[下半part]講即嘅接近一小時嘅極速恒指牛DT計，平均都有10.2%賺幅，算不錯啦。
今朝早起身唔係好特別凍，都係嘅，天文台都話週中打後開始回暖，下週先至再凍過，不過好似都凍到無乜感覺，同恒指向上爆都係一樣，爆到都無乜感覺；不過，喺用咗兩日嘅恒指小時圖上見到條SlowSTC(14,3)已經上到嚴重超買兼有作勢回落嘅情況，於是著聊天室戰友門今日嘅<即日追揸沽策略>可能要變一變，就係以向下為主，向上只係偷位同爬格嘅策略就算，BTW今朝早再加多隻銀娛牛比大家先打咗個底先。
依家10點48分，恒指做緊28309點，升32點，今朝早開市已升抵28400點以上，換言之熊證最貼價嗰兩層，即28200至28299點同28300至28399點已全數死亡，呢度夾者有相當於833張期指，最貼價層上移至28400至28499點，呢度有相當於693張期指。
到依家10點57分，其實拆開恒指5分鐘圖已經見到恒指由高位慢慢向下，上文所講嘅小時圖上條SlowSTC(14,3)已見明顯回落之勢，要小心小時圖都可以出超買再超買(因為熊證街貨數量始終比牛證嘅多)，所以想繼續用小時圖做trade而今日打算出淡倉嘅話，可以選擇等恒指5分鐘圖SlowSTC(14,3)回升返至超買位先(拉得個價低一格就一格)，再將隻恒指熊(54187)小注落場。
(54187)收回價28900點，有約35倍槓桿都可以當作day trade用架。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/IG/Patreon：輪證贏家
秒投聊天室：輪證教室
