上個星期五(8月28日)正式收到公司通知，今日開始就要全體同事返工，結束五個星期嘅Home Office生涯。一班同事又差唔多時間一齊湧返嚟公司，喺路上遇到News team大佬，佢笑住咁話：好似人哋開學咁。哈哈，的確。
如常地坐緊巴士返工時，恒指做完U盤，開市報25732點，升310點，5分鐘圖上亦見恒指SlowSTC(14,3)由上週五嘅嚴重超賣水平搶高至中軸至超買位。至正式開市後恒指繼續向上攀升，截至依家10點正，恒指最高做過25847點，熊證首層街貨25700至25799點被全數收回之餘，亦都進入熊證第二重貨區25800至25899點，呢度有相當於1152張期指。
恒指彈咗上去之後就於高位橫行，似乎今日想慢活，5分鐘圖上SlowSTC(14,3)兩線已經上到80以上嘅超買水平，今朝快手入牛證嘅都應該收手；至於今朝無出到手嘅，恒指牛(65675)，收回價25178點，同現俱有近600點差距，同一收回價中第二高槓桿，低街貨，等恒指5分鐘圖上SlowSTC(14,3) 回返落嚟超賣先小注落場。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB：輪證贏家
