熱門:

2020年7月17日 即巿股評 港股直擊

【盤房來料】大市未能重返廿日線仍未脫險

港股昨日收市穿二萬五,恒指連續六日陰燭收市,跌510點,今日止跌回升,可惜加度有限,又係畀A股拖累,A股昨日急挫5%後,今日反彈乏力,上證指數半日再跌0.5%。受A股繼續下跌影響,港股反彈至20日線(25214點)未能守穩。

恒指高開171點,成功重返二萬五關之上,其後受A股疲弱影響,恒指升幅縮水至79點,低見25050點,接近二萬五水平再見資金吸納,一度令大市升幅擴大至293點,見25263點半日高位。可惜20日線得而復失,升幅再次收窄。中午恒指報收25123點,升152點;國指中午報收10212點,升78點。

藍籌股中以恒安(01044)表現最強,半日升4.7%,重磅友邦(01299)跟大笨象(00005)則無力反彈,半日跌0.1%。港交所(00388)則反彈2.7%,企穩於20日線之上。

美國科技股近日開始乏力再上,雖然今日香港呢邊嘅科技股有反彈,加度只屬一般。騰訊(00700)跟阿里(09988)半日齊彈2.3%,可惜兩股均未能重上10日線。留意阿里巴巴回補237元至252元之間的上升裂口之後,下面有仍有225至232元另一個裂口,暫時守喺20日線(229.14)之上,需要盡快重上10日線,即242.6元水平。過往ATMX之中,美團(03690)一直跑得最快,不過自從早兩日失守10日線,噚日進一步考驗20日線後,表現顯得較落後,半日僅反彈1.2%,目前於20日線附近增持。小米(01810)半日彈近3%,同樣未能收復10日線,不過守穩14.88完之上,阿里再升上機會仍存在。其他科技股經過昨日急跌後,都而些少時間回氣,可惜之前多隻熱炒科技股昨日急回後有反彈都多數有心無力。

物管股今日急彈,之前熱炒科技股啕資金流入呢個板槐,雖然物管股估值唔平,但有資金認為物呢個板愧某程度上可避險。噚日A股嗰吓急跌又確係幾嚇人,但唔調整抖氣,又點可以走得更遠。恒指今日若未能守住25200企穩,呢個前支位將變阻力。再跌穿25000後,或向下試50日及100線。炒股炒市呢招都算行得通,不過最當炒嘅幾個板塊升咗唔少,暫時有待整固,有心買貨唔使急,Happy Friday倉位只減不加。

麥狄文
(徐狄怡‧證監會持牌人)

 

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads