熱門:

2020年3月9日 即巿股評 港股直擊

【盤房來料】沙地打油價戰 我死你也不能活

OPEC上周四曾建議擴大減產每日150萬桶以應對武漢肺炎疫情引發嘅需求下降,不過喺OPEC大哥大沙地呢頭積極推動擴大減產,但另一盟友俄羅斯卻拒絕。既然俄羅斯唔肯合作,沙地亦唔客氣,嚟一招我死你也不能活,隨住OPEC談判破裂,沙地索性減價賣油,向歐洲、遠東跟美國等國外市場折扣賣油,每桶減價6至8美元,提供20以來最大折扣,以吸引國外煉油廠買沙地原油。同一時間,沙地更喺市場放風,指如有需要可增加增量,將日產量提升至每日1200萬桶嘅紀錄水平。

沙地此與無疑為油價戰掀起序幕,市場憂慮喺疫情拖累需求下跌,再加上沙地以低價打擊俄羅斯或美國頁岩油,國際油價可能低見每桶20美元。油價急跌,拖累資金避險情緒急升,黃金價格一度升至逼近1700美元水平,但股市則跌到一仆一碌,整個亞太區股市顯著下跌,道指期貨喺亞洲時段則跌逾千點。

恒指隨新加坡黑期裂口下跌,大幅低開1012點,其後跌幅擴大至1121點,低見25025點半日低位,亦係去年8月中以嚟低位,暫時二萬五水平叫守得住。雖然大市跌幅曾縮至825點,見過半日高位25321點,但目前反彈乏力。中午恒指報收25230點,跌916點;國指則跌400點,報收10056點,兩指數半日跌逾3%。

油價暴瀉拖累三桶油大幅下跌,當中以中海油(00883)跌16%最為慘烈,藍籌股中當然跑第尾,其餘兩桶油中石油(00857)跌近一成,中石化(00386)亦跌4%。除咗石油股急挫,油服務同樣顯著下跌,閒閒地跌5%以上,唔少跌幅更超過一成。

藍籌重磅股幾乎全軍覆沒,只有創科(00669)一隻藍籌逃過一跌。大笨象(00005)失守50元,話咗唔好貪高息而買大笨象,之前52元嘅支持位,恐怕成為短線阻力。騰訊(00700)亦跌逾3%,盤中一度跌穿380元,睇番對上一次低位369元,今日最低見373.6元,睇番上次低位即370元附近應該月啲支持。其他重磅股大部份亦下跌,今日咁嘅市況,跌少過3%已經算跑贏個市。

目前大市距上年8月低位24899差些少,未知今次守唔守得住,一旦失守,大市至少要見24300點,即係話暫時想撈貨亦唔使急,建議睇多兩日,大市真正企穩25000,再重上25500點先考慮分段入市亦未遲。

麥狄文
(徐狄怡‧證監會持牌人)

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads