熱門:

2019年9月18日 即巿股評

【輪證贏家】熊仔準備食得

噚日揀咗隻恒指熊(55636)出嚟,有讀者喺FB留言話呢隻熊仔已經即開即食,不過拆開5分鐘圖嚟睇,SlowSTC(14,3)成日都未上過超買範圍,講緊就算打完噚日個[下半part]都係未見,直至到3點35分至收市呢25分鐘裡面,SlowSTC(14,3)先上到7X至8X樓上嘅水平。講真,喺呢個位入就真係預咗過夜,同時噚日都有講過由於要準備過夜,安全起計可以選擇收回價比(55636)更遠嘅熊證,甚至係Put輪,以防今日開市唔知發生咩事。

今朝恒指先輕微高開48點,報26838點;至依家9點51分,恒指升幅一度擴闊至升101點,高見26891點,不過依家升勢回落,做26830點,升40點。拆恒指5分鐘圖見到其實條SlowSTC(14,3)今早承接住噚日收市前超買嗰道氣,今朝早恒指彈升後再升多少少,就已經將條SlowSTC(14,3)拉到超買高見9X,依家回落所以見升幅收窄,合理嘅程度同一個汽車維修員喺足球場上擁有一個士巴拿一樣咁合理。不過,以(55636)計,按上文所指收市前嗰25分鐘嚟計,高低位見過$0.071/$0.066,平均價就係$0.0685,對比依家9點58分(55636)做緊$0.057計,似乎都要捱多陣價。

睇返恒指日線圖,以噚日收市價26790點計,恒指一口氣失守10天線(26861點)同50天線(26919點),至今日以現價(10點正mark26853點計),仍然喺呢兩條天線以下水平。換保歷加通道出嚟睇,恒指仍然處於保歷加上升通道裡面,不過就企係上升通道接近中間位置(頂部:27564點;中軸:26362點,中間位26963點)附近,而下方SlowSTC(14,3)已經好明顯喺超買位遇頂回落,只係比較中線指標(14RSI、MACD、 DMI)就見處於中軸水平。

開埋恒指牛熊證街貨圖睇,今日見街貨圖上熊證區有新貨上架,分別係26900至26999點、27000至27099點同埋27100至27199點,最貼價嘅26900至26999點就有相當於204張期指嘅街貨,但再上嗰兩層就完全無貨喺度,室於重貨區就係27600至27699點,但講緊都只係有565張期指。

咁噚日過千張期指街貨呢?無咗啦?係呀,無咗啦,層數無變仍然都係26600至26699點,但今日見呢度得返922張期指,當中有335張期指嘅街貨喺噚日離隊。街貨去哪兒?可能係將牛證守防線退後,因為見到除咗最貼價嗰層牛證街貨係有減少之外,其他嘅層數街貨都見有增加;甚至乎貪新鮮,走咗去幫襯新開張嘅熊證街貨都未定。

雖然過千張期指街貨層就無咗,不過點計都係比上層重貨得多,噚日已經有熊/Put喺手嘅,今日應該可以搵位食餬;無貨嘅就再等恒指5分鐘SlowSTC(14,3)上返超買時,考慮小注落恒指熊(55832),收回價27200點,同現價只有不足400點差距,但見槓桿有約55.9倍,又係Day trade一流嘅熊證。

作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

電郵:[email protected];FB:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads