熱門:

2019年9月2日 即巿股評 港股直擊

【盤房來料】負面因素困擾 小心淡風隨時吹

中美雙方由9月1日開始向對方加徵關稅,負面因素仍困擾市場,加上香港社會運動繼續升級,警民衝突持續,一波未平一波又起,港股9月開局自然難見頭彩。雖然財新中國8月製造業PMI升至5個月高位,內地股市上升,但港股卻未能受惠,延續8月跌勢,早段恒指跌逾200點。

恒指低開96點,雖然因為財新PMI數據理想,恒指跌幅曾收窄至62點,高見25662點,為半日高位。但高位不僅缺乏承接,更見沽壓再現,拖累大市跌幅再度擴大至222點,見25502點半日低位,其後跌幅再度收窄。恒指半日報收25602點,跌122點;國指則倒升3點,中午報收10086點。

重磅藍籌股大部份受壓,只有騰訊(00700)作為維穩龍頭,半日升近2%,重上330元;平保(02318)逆市升0.8%,暫守90元水平。其他重磅股大多數下跌,跌幅由0.5%至1%。重災區陀地地產股及收租股,喺政治事件愈演愈烈之際,呢兩個板塊當然無運行。信置(00083)係跌得最多嘅陀地地產股,跌幅接近4%;其他地產股及收租股,跌幅閒閒地超過1%。呢幾日成為社會運動風眼主角嘅港鐵(00066)股價重挫3.2%,股價跌穿250日線,走勢相當難睇。

至於醫藥股繼續跑贏大市,中生製藥(01177)公布業績後股價持續走強,半日再升3.6%,成為藍籌升幅冠軍。另一龍頭石藥(01093)半日亦升1.8%,兩隻龍頭阿Man都係偏愛中生製藥,雖然累積升幅唔少,但係相比起石藥,估值仲係平些少。其他醫藥股全線向上,春立醫療(01858)更創新高,不過阿Man心水都係另一半新股翰森製藥(03692)。

阿Man又要長氣講多次,再強嘅板塊都好,記住喺風雨飄搖之際,一旦強勢板塊亦頂唔住逆轉,記得當跌破止賺位,要肯落車,始終目前困擾大市嘅負面因素較多,一有冬瓜豆腐,淡風又將再吹起。

麥狄文
(徐狄怡‧證監會持牌人)

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads