美股大跌800點港股開市做24946點後,最低見過24900點就慢慢回升,今天以低開高收全日反彈193點收報25495點,原本低開高收可視為好現象,但港股內憂外患,加上中美仍未見曙光,後市仍未敢樂觀!
擔憂日後發展方針
滙控(00005)除淨後續跌,昨天見58元有過千個牌掛入,當然是食息一族對滙控之眷戀,股價跌至此水位息率更達7厘,似乎極之吸引,今天收市仍逆市跌0.42元收報56.8元,雖未破3年低位但已不遠了,滙控短時間內三位高層離任,不免令外資基金老關注其未來發展會否出現變數,現時單一最大股東已是中國平安(02318),雖然中國平安澄清不會參與日常經營及管理,但外資基金佬最怕唔知誰人坐入去管理,日後唔知業務方針又會點,所以為安全起見沽貨走人居多,連帶其他華資基金亦要跟隨免受股價下跌拖累,估計要滙控公布誰人接任後股價才可真正喘定,要釋除基金老之疑慮。
有消息才可轉勢
下月中美再度談判成果幾乎已經可以肯定,因官媒已說明談判要以兩國元首於日本大阪峰會達成的共識為基礎,即取消所有額外關稅而非推遲實施,這即是雙方大欖也拉不埋,所以兩個星期後又係市場一個預知的震盪,滙控弱勢已成,若於九月前未能公布接任人選,到時港股因中美談判食白果時轉炒落,滙控隨時又係得個捱沽局面,可能有人話7厘息冇有怕,但要清楚仍係過往業績計算出來,看看滙控走勢圖再加14天RSI跌到11.94,還以為自己睇錯,兼且過去兩周下跌成交量亦不淺,短期出現反彈唔奇,但要滙控轉勢就要有利好消息才可,否則只有橫行等消息過日子。
梁健雄
筆者未持有上述股票
編按:作者梁健雄,證監會持牌代表,香港財務策劃人員總工會副理事長,從事金融業前線銷售達18年,曾任職多份報章包括英文虎報、南華早報、華爾街日報等後勤製作部工作。《炒股讀心》逢每周四跟讀者分享投資心理。