|
熱門:

2019年5月16日 即巿股評 港股直擊

【輪證贏家】貼價騰訊牛day trade

噚日揀出嚟嘅恒指牛(63372),喺朝早10點40分至11點見5分鐘圖SlowSTC(14,3)落到超賣時就落場,按(63372)高低位做過$0.038/$0.03,平均買入價就係$0.034。本來用「下降通道」頂大約28500點做目標,寫緊[下半part]都見恒指上到284XX點,真係同28500點差一步,但本主「唔貪心」嘅心態,先喺下半場大約1點35分見恒指5分鐘圖SlowSTC(14,3)上返「9」字頭,呢段時間恒指高低位做過$0.04/$0.038,平均賣出價就係$0.039,賺幅就有14.7%;第二次就係早幾分鐘前嘅事,即係2點正到,(63372)高低位分別做過$0.042/$0.039,平均賣出價就係$0.0405,賺幅有19.1%。

「會唔會仲有第三轉走?」真係有,其實由1點55分至2點30分呢段時間,恒指5分鐘圖SlowSTC(14,3)都keep住係超買位,呢段時間(63372)高低位做過$0.044/$0.039,平均賣出價就係$0.0415,賺幅就係22.1%。

大市講完就到領展(00823),早兩日創新高之後走勢麻麻我都預咗你架啦,其實隻Call(25543)如果係早兩日做到day trade,或者你用噚日隻(63372)去cover(25543)嘅蝕幅嘅話,你可以唔駛睇呢段;但早兩日尾市先入,或者仲未走嘅話,日線圖上見今日領展創新高後第二日回落,截至依家10點3分止,低位做過$95,都仲叫做有條10天線($94.83)墊住。不過,計落隻(25543)同平均買入價$0.27計都有20%蝕幅,如果呢個數已經觸及咗你嘅止蝕幅度,咁你就要出手做止蝕啦。

講返今日個市,噚日騰訊(00700)出咗第一季業績,一句講晒「遜於市場預期」,噚晚ADR都已經話跌2%,今朝開市報$367,依家10點11分,騰訊做緊$372.6,叫做跌幅收窄。日線圖見騰訊又真係堅樣衰,今日陰燭完全跌落50天線($343.46)水平,下方支持就要再數到去100天線($351.19)。日線圖見SLowSTC(14,3)兩線都落到嚴重超賣水平,吼低開Call嘅呢個位就當然唔係話差啦,不過見今日粒燭處於「下降通道」嘅中間位,而依家10點39分恒指又跌轉升,騰訊50天線火速收復,恐怕都要搵隻高槓桿嘅騰訊牛嚟捉呢個咁窄嘅水位。騰訊牛(68250),收回價$358.18,槓桿比率約20倍應該夠殺( 再貼價嗰堆好鬼多街貨呀)。

作者阿珊,從事財經及投資版報道超過10年,由平面媒體走到網絡世界,《鐘擺戰策贏港股》作者。相信技術分析,由窩輪到牛熊證無一不炒,唔貪心,志在搵餐下午茶。

電郵:[email protected];Weibo[下半part]:#Gladyshan#

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。