|
熱門:

2018年7月19日 即巿股評 港股直擊

【輪證贏家】大市可能需要一個藉口殺牛

今朝起身睇大台新聞台,第一條讀緊嘅新聞就係話金管局同銀行開放API,俾第三方可以有一個渠道一次過睇晒咁多間銀行同金管局嘅資訊/data,我第一件事唔係諗要放咩入自己隻app度,而係諗:咁啲做比較banking product嘅website死得啦,佢哋呢啲data將會一街都係,有何unique?

Anyway,呢啲都只係講緊未來六個月嘅事,更何況公司嘅production schedule一早定好晒,今年輪都唔輪到我,繼續睇市好過。(係有schedule嘅話,親愛嘅PM Patrick就會話我知架)

噚日喺《下半part》揀咗恒指熊(60737)同恒指Put(21836)出嚟,兼按一貫策略,吼恒指5分鐘圖見超買先至小注落場。 等到3點半先至喺恒指5分鐘圖見SlowSTC(14,3)由超賣變超賣,不過呢啲時間落場就預咗過夜。

今朝9點20分做完U盤見恒指升134點,開市報28251點,(60737)同(21836)就梗係無咁截啦,但依家10點6分,恒指升幅收窄至86點,做緊28203點,(60737)同(21836)輪/證價都慢慢爬返上去。

開恒指牛熊證街貨圖睇,下方最貼價嘅牛證係28000至28099點,呢度有相當於511張期指,數量上係比噚日少224張;而重貨區27800至27899點,呢度嗰1619張期指裡面有93張係噚日增嘅。貼價牛大逃亡,有啲可能收隊,有啲就近牛變遠牛,點都好,呢part重貨同現價(用剛剛mark底嘅28203點計)相差403點,沿途總數有2692張期指,或者個市只係等緊一個借口/機會。

至於上方嘅熊證,最貼價嘅係28400至28499點,呢度有相當於145張期指;重貨區就係29000至29099點呢度,有相當於1135期指,雖然如果由現價開始計向上行到重貨區嘅話,沿路就可以食得到2878期指,比下行嘅2692張仲要多,但同現價比就差成896點,會唔會遠咗啲呢。

(60737)同(21836)買咗嘅可以繼續揸住,直至到恒指5分鐘圖見SlowSTC(14,3)見超賣先;無貨嘅可考慮恒指熊(62852),行使價29100點,同一收回價之中呢隻嘅槓桿最高,輪嘅話...(21836)仍可取。

作者阿珊,從事財經及投資版報道超過10年,由平面媒體走到網絡世界,《鐘擺戰策贏港股》作者。相信技術分析,由窩輪到牛熊證無一不炒,唔貪心,志在搵餐下午茶。
電郵:[email protected];Weibo:#Gladyshan

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。