熱門:

2018年4月20日 即巿股評 港股直擊

【盤房來料】手機設備股暫時未宜撈底

美股隔晚偏軟,但尾市跌幅收窄,港股夜期雖回吐逾200點,但ADR仍30600水平,令港股今日低開後,一度再向上挑戰50日線(30721點)。 恒指今早低開60點,雖然一度跌168點,見20540點半日低位,100日線(約30624點)得而復失,更下試10天線(約30544點)水平,其後回升最多140點,高見30848水平,可惜高位乏承接,再加上內地A股表現疲弱,上證指數再失3100關,拖累港股反覆回落,恒指中午報30579點,跌128點,暫時喺10日線附近爭持;國指則跌123點,報收12116點。

流金外流情況暫緩,雖然短期拆息回落,但中長期拆息持續向上,預示港息趨升,即使有銀行表示結餘或要跌穿500億先有需要加息,但港息上升對銀行股有利,尤其本地銀行股恒生(00011)跟東亞(00023O)逆市上升,大笨象(00005)亦半日升逾1%,但77.5元未企穩,對其上升動力仍有保留。不過內銀股則回吐,但阿Man認為今年內人行降準行動或未完結,加上金融業開放改革,長遠對內銀股係好事,作為長線投資,內銀股急跌就係上車好機會。當然短炒呢期內銀股唔多就手,日日高開低走,暫時走勢仍偏軟。

下周二港交所(00388)將公布有關同股不同權及生物科技企業嘅上市諮詢結果,講得出新例會喺本月30日生效,即係同股不同權坐定笠六,接著港交所要做嘅,就係向美國上市嘅中概股同未上市嘅內地科網巨企落嘴頭,吸引呢班客仔嚟香港上市。目前已知螞蟻金服已爆響口,將會AH兩地同步上升,其他小米、京東、百度,甚至阿里巴巴,就要睇港交所有冇本事請得到佢哋嚟上市,結果正面的話,港交所當然錢途一片光明,若然無公司肯採佢,以目前港股日均成交額,好似再將港交所股價向上推進。

平安好醫生將於下周一開始招股,招股都未開始,已有三本地券商共獲350億元孖展預訂認購,以其集資額計算,目前超額已達60倍,先聲奪人。平安好醫生分拆上市,有利平保(02318)釋放其價值,股價逆市靠穩。目前喺82元水平爭持,股價一日唔重上85元,再回補87.5元一下跌裂口,平保暫時難再升。

騰訊(00700)作為科網股龍頭,科技科技股正值多事之秋,騰訊自身亦難保,過往大市火車頭,板塊領頭羊功能全部癱瘓,股價一直未能守穩大股東批股價405元之上,只能嘆一句幾萬億市值嘅股王都畀肥央燈死咗。面對中興通訊(00763)被山姆叔叔重擊,內地半導體產業定要當自強,最終係咪有錢使得鬼推磨,中興能再一次以罰款了事,暫時不得而知。不過手機股跟手機設備股則可能要同高速增長時期講拜拜,高檔智能手機市場需求轉弱,蘋果公司股價急挫,相關手機設備股亦一跌再跌,暫時未宜撈底。

麥狄文
(徐狄怡‧證監會持牌人)

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads