以為中美貿易戰有所緩和,但侵侵轉個頭又出招,向科技企業開刀,花旗科技股捱沽,美股走勢反覆,反彈乏力,港股當然難有運行。雖然道指期貨收市後略見反彈,帶動恒指高開131點,開市後更升逾二百點,高見30234點半日高位,但沽壓再現令大市半場曾跌逾200點,低見29820點個半月低位。不過指數在29800點即見反彈,大市更曾倒升,但30000點關好淡月爭持,半日恒指報收29972點;國指則跌67點,報收11933點。
早幾日阿Man已表示幾隻重磅股走勢轉差,至今仍未能擺脫弱勢,騰訊(00700)早段曾跌至405.2元,逼近大股東減持批股價405元,資金樂於該水平買貨,心態上有咁多基金呢個價硬食1.9億股,加上要禁售半年,該水平接貨輸極有限。不過騰訊反彈乏力係事實,股價重返已成形嘅頭肩頂形態頸線以下水平,走勢偏弱。另一缸邊友關心嘅重磅股平保(02318),走勢相對騰訊更加核突,不單乍現烏雲蓋頂形態,八連跌不持止,若今日再以大陰燭下跌收市,技術走勢更現三隻烏鴉,呢啲走勢通常必破上次低位,即77.5元。內銀股派完成績表,可惜股價唔多爭氣,又係休斜住向下走咁款。其他藍籌乏善可陳,短線走勢偏淡,估計係未有重大利好消息刺激下,港股仲有反彈,仍會反覆向下尋底。
大市目前明顯轉弱,三萬大關純屬心理關口,並唔係乜嘢支持位,反而29800點應有技術支持,再失下試29200至29500點。至於向上反彈的話,30200至30500點已有阻力,100日線失守後未能盡快收復,目前大市偏弱。下周北水開始暫交易,未知能否案件重演上月北水暫停期間,大市急速反彈的故仔,一旦又案件重演,而反彈至31000大關又遇阻,好應該把握機會再減磅。
美國電動車生產商Telsa面臨破產危機,股價急挫亦屬正常,可惜Telsa呢一跌,全球其他汽車冗亦跌到一仆一碌。業績大倒退嘅比亞迪(01211)預期今年首季業績開倒車,股價連日下跌,今早一度挫逾6%,半日跌幅收窄至3.6%。其他汽車股全部捱沽。若問阿Man目前撈底與否,答案係一動不如一靜,長假期前連反彈呢一吓亦懶博。
毛記(01716)噚日下半場股價高位急墮,今日股價再跌逾三成,阿Man講咗炒新股見好要收,更未宜見股價回調博反彈。道理好簡單,大戶高位已派貨,已再無誘因炒上,散戶以為現價較高位大幅回落可撈貨,大戶正中下懷,皆因大戶要派貨並唔係向上炒嗰下,由高位向下派,期間每一下反彈均氹散戶入場,係最容易派貨嘅好機會。
麥狄文
(徐狄怡‧證監會持牌人)