熱門:

2018年1月4日 即巿股評 港股直擊

【盤房來料】半新股異動留意易鑫

美股升勢銳不可擋,隔晚三大指數又創新高,港股隔晚ADR亦做好,夜期更回升逾百點,港股今早回升,目前在30700水平爭持,唔上唔落咁款。恒指高開130點,其後打回原形,跌唔夠1點,低見30560半日低位。其後內地A股倒升,港股亦回升過百點,半日最多升157點,見30718點半日高位,不過未能進一步向上突破。恒指中午收報30699點,升138點;國企指數報12194點,升105點。半日成交額667億,今日應該可以維 持千億成交。

幾隻重磅股只有大笨象(00005)未肯郁,逆市跌0.25元,半日報收80.7元。騰訊(00700)噚日行得唔夠靚仔,今早高開後曾詐死,但其後發力高見超過一個月高位429.4元,半日升1.6%,報收429元,甚有向上挑戰高位之勢。本來平保(02318)早段表現麻麻,上半場後段給力回升,當然股價要重返85元樓上先叫有睇頭。話咗內銀股呢期得寵,建行(00939)升1.6%報收7.53元,跟工行(01398)雙雙創逾兩年半新高。伊朗局勢緊張,國際油價創近3年新高,三桶油急升,升幅由3.3%至4.7%不等。除咗大笨象行唔郁,友邦(01299)、吉利(00175)、蒙牛(02319)同萬洲(00288)日前上升後回吐。

醫藥股未停止其尋頂之旅,多隻醫藥股新高再新高,中國生物製藥(01177)半日升3%;石藥(01093)升1.3%;麗珠醫藥(01513)升2.9%;東陽光藥(01558)升5.1%,呢四隻醫藥股,其中兩隻屬阿Man推介股份,今日齊創新高。至於其他醫藥股普遍升2%或以上,最突出係摩通唱好嘅藥明生物(02269),半日急升7.3%。而北水愛股金斯瑞生物,噚日急升後回吐,半日跌6.7%,急升急跌係北水股特色。

隔晚半導體股喺美國出現異動,今日呢個板塊喺港股呢邊亦有異動,中芯(00981)呢期亦係北水關注股份之一,今日升3%,但相對先進半導體(03355)升8%;晶門科技(02878)升7.7%。中芯今日表現唔算突出。軟件股亦有理想表現,阿Man至愛龍頭股金山軟件(03888)創兩年半新高,跟金蝶(00268)齊齊升3%。

阿Man喺聖誔假期前曾建議買入眾安在綫(06060),今日發力向上升3.2%,創一個半月新高,由推介日至今日,股價累計升8%,呢份聖誔新年禮物,大家應該滿意。除咗眾安之外,同期上市嘅幾隻半新股亦有追捧;閱文(00772)急升5.1%;易鑫(02858)升2.8%;雷蛇(01337)升1.2%,三隻揀一隻,阿Man揀剛起步嘅易鑫(02858),近日汽車股表現唔錯,4S汽車股亦見資金流入,易鑫初現突破,呢一轉有望挑戰8元。

麥狄文

(徐狄怡‧證監會持牌人)

 

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads