|
熱門:

2015年11月20日 即巿股評 港股直擊

【盤房來料】股仔難炒坐穩康寧等食糊

噚晚歐洲股市顯著上升,曾帶動夜期一度高見22600點水平,不過美股未能延續早兩日升勢,港股今早略為高開後即掉頭。周末效應又缺乏方向,港股成交歪豬豬,半場只有326億元,恒指重返22500點之下,22500短期阻力暫未能突破。

股仔唔見有邊隻可以炒,升幅榜冠軍五洲國際(01369)復牌,宣布以大折讓批股,不過停牌前股價由1.2元急插至0.7元,擺明有春江鴨預知批股價僅0.34元。其他股仔未見交投轉趨淡靜,就連噚日上半場係威係勢嘅中國華仁(00648),今日已經冇晒鑊氣,半日成交縮水至只有1500萬股,可見炒股仔要賺唔容易。

阿Man喺本周三《金融街密語》講過溫洲幫炒股相當狠勁,所以基地喺溫洲嘅康寧醫院(02120)一定要睇實。一如所料康寧未上市暗盤價已升破40元,今早開市44元較招股價38.7元升13%,成個上半場見唔少大孖沙繼續吸貨,半場報收48元,較招股價升24%。睇番康寧發行股數僅1760萬股,由於IPO反應唔錯,要喺國際配售部份call back,咁搞芬佬肯定唔夠貨,即係局住要喺街掃貨。難怪上半場康寧愈升愈有,睇款股價好快升破50元。口痕友話溫洲幫炒股咁出位,康寧變紅底股亦唔出奇,阿Man冇咁大想頭,但康寧股價見60元,市值仍未夠50億元,目標價定喺60元似乎實際啲。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。