熱門:

2015年8月7日 即巿股評 港股直擊

【盤房來料】再觀察幾日準備重新出發

尋晚美股仆直,夜期跌穿24200點,今朝港股梗係裂口低開以為死梗,點知上證指數升近2%,又有藉口拉番起港股,結果上半場港股級級上,恒指升近1%,重上24600點水平。國企指數跑贏升近1.9%,石油股跟油價彈,內險內銀普遍升1%以上,水泥股繼續有追捧,今日輪到航運股發圍。

靜咗咁多日,今日個市似乎有番啲起色,航運股整個板塊升勢全面,當中以中海集運(02866)升16%最勁。唔少股仔亦見鑊氣,恒大健康(00708)拆細例炒。尋日隻百靈達(02326)下半場失驚無神起死回生,今日再升近18%,上番條10日線。股仔時間由你(01327)莫名奇炒地爆咗上嚟,又係上番條10日線同嘗試過埋條20日線,成交有番咁上下,炒鬼餓得耐都要搵嘢炒。奇怪係臨近周末先嚟炒,阿Man心大心細唔多想博,偏偏你唔敢玩人哋玩,好似百靈達尋日升完今日再升,唔似之前咁一日玩完。

當唔少人話港股要有步入寒冬0既準備,阿Man反而諗緊今次調整係咪已接近尾聲,尤其係眼見港股通資金接近一個月都出現淨流入,證明港股即使指數唔上唔落,其實唔少股份都已見咗底。加上港股主板10倍PE,創板廿幾倍,現價講真又確係平到跌渣。只不過成交額仍然唔夠照,阿Man決定觀察多幾日,若然走勢ok而成交又配合,睇嚟係時候重新出發。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads